امریکا قوشمه ایالتلری نیمه قیلماقده؟

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

امریکا قوشمه ایالتلری نیمه قیلماقده؟

تورکیه و جهان کوز قره شی 34

سونگگی پیتلرده امریکالیک کشیش برونسون دوسیه سی سببلی تورکیه بیلن امریکا قوشمه ایالتلری اورته سیده گی مناسبت لرنینگ بحرانی بیر وضعیتگه کیلیب قالگن لیگی کورینماقده.  ایندی ایسه اوشبو مناسبت لرنینگ قنده ی بوله دیگن لیگی توغریسیده ایریم تحلیل لر قیلینماقده.  
اوشبو بحران نینگ ایککی اولکه اورته سیده گی مناسبت لر جهتی دن بهالنتیریلیشی اوچون البته که حقلی سبب لر هم موجود.  امریکا نینگ تورکیه نینگ روسیه دن اس- 400 راکت لری آلگن لیگی, واشنگتن رهبریتی نینگ بیت المقدس نی اسرائیل پایتختی اعلان قیلگن لیگی گه قرشی انقره نینگ عکس العمل کورستگن لیگی و کشیش برونسون دوسیه سی سببلی بحران نی بو طریقه بیر وضعیت گه کیتیریب قویگن لیگی اویلنماقده.  بیراق تورکیه جهتی دن حادثه بوندن عبارت ایمس.  تورکیه اساسی مسئله نینگ امریکا قوشمه ایالتلری نینگ ترور تشکیلاتی پی کا کا/وای پی جی دن استفاده قیلیب بیر تروریزم دولتی قوریش گه حرکت قیلیاتگن لیگی, تورکیه ده میلادی 2016 نچی ییلی جولای آیی نینگ 15 نچی کونیده کودتا گه تشبث قیلگن فتح الله چی ترور تشکیلاتی (فتو) باشلیغی نینگ امریکا ده لوکس بیر قصرده یشب تورگن لیگی و انقره نینگ انیق حجتلر یوبارگن لیگی گه قره مسدن خوددی شوو ترورچی نینگ تورکیه گه تاپشیریلمه گن لیگی دن عبارت ایکن لیگی نی بیلدیرماقده.  امریکا نینگ اوشبو سیاستی نینگ تورک خلقی تامانیدن قنده ی بهالنتیریلیاتگن لیگی نینگ تحلیل قیلینیشی جهتی دن بیر مثال بیریشی میز ممکن.  اسامه بن لادن نینگ بیر اولکه ده کوتیب آلینیشی و او اولکه نینگ ترور تشکیلاتی القاعده واسطه سی بیلن امریکا نینگ مکسیکو چیگره سیده بیر تروریزم دولتی قوریش گه حرکت قیلیشی گه قرشی امریکا خلقی قنده ی عکس العمل کورستسه, تورک خلقی هم واشنگتن رهبریتی نینگ حاضرگی کونده گی سیاست لری گه قرشی خوددی شونده ی بیر عکس العمل کورستماقده.  
امریکا نینگ فقط گینه تورکیه بیلن بحرانی بیر مناسبت گه ایگه بولمه گن لیگی سببلی, درک ایتیلیشی ممکن بولگن سبب لرنینگ موجود بولیشی گه قره مسدن اوشبو بحران نی تورکیه بیلن امریکا قوشمه ایالتلری اورته سیده گی مناسبت لر بوییچه بیر بحران اوله راق بهالنتیریش توغری ایمس. عینی دمده امریکا چین, روسیه, اوروپا بیرلیگی و اینیقسه آلمان بیلن هم جوده بحرانی بیر مناسبت گه ایگه.  حتی حاضرگی کونده امریکا نینگ مکسیکو و کانادا بیلن هم بحرانی بیر مناسبت گه ایگه ایکن لیگی کورینماقده.  اوشبو دایره ده امریکا نینگ شمالی کوریا و ایران بیلن بولگن بحرانی مناسبت لری توغریسیده بحث ایتیش اوچون وقتی میز هم قالمَیدی.  
شونده ی قیلیب تورکیه – امریکا بحرانی نی فقط گینه ایککی اولکه اورته سیده گی بحران دن عبارت اوله راق بهالنتیریش اویغون بیر حرکت دن عبارت بولمَیدی البته که.  
اساساً اوشبو بحران لرگه فقط گینه ترامپ رهبریتی نینگ سبب بولگن لیگی نی بیلدیریش هم توغری ایمس.  لیکن اوشبو بحران نینگ ترامپ رهبریتی دن منشا آلگن ایریم تامان لری هم موجود.  عینی دمده امریکا قوشمه ایالت لری نینگ تقریباً برچه دنیا بیلن بولگن بحران لری توغریسیده کینگ کولملی تحقیقات قیلینیشی کیره ک.  خوددی شوو بحران لر باره سیده قیسقه قیلیب قوییده گیچه بحث ایتیشی میز ممکن. 
امریکا نینگ بحران چیقریشی بوییچه اینگ اساسی سبب لریدن بیری نینگ خلق ارا جهانی له شیش پروسه سی دن ییترلی مقیاسده فایده له نه آلمگن لیگی و خلق ارا رقابت بوییچه امریکا شرکت لری نینگ یوتوقلی بوله آلمه گن لیگی دن عبارت بولیشی ممکن.  شونده ی قیلیب خلق ارا رقابت لرده امریکا و اوروپا بیرلیگی اورنیگه, چین, هندوستان, برازیل و تورکیه کبی اولکه لر موفق بولیب چیقدی.  اوشبو پروسه ده امریکا اقتصادی بیر نیچه مراتبه بحران لر گه دوچ کیلیب قالرایکن, بو اولکه لر ایسه سرانه عایدی نی آرتیردی.  خوددی شوو دور نینگ اوزیده امریکا حاکمیتی نینگ توگیاتگن لیگی گه تیگیشلی ایریم بحث و مناظره لر باشلب کیتدی.  
امریکا نینگ خلق ارا رقابتده موفقیت سیزلیککه اوچره گن لیگی انیق ایکن, ایندی ایریم آیدین لری میز و شخصیت لری میز نینگ جهانی له شیش بیلن علاقه لی آلدینگی فکر لری نی ایسدن چیقریش لری کیره ک.  شونده ی قیلیب ایندی آیدین لری میز نینگ جهانی له شیش نینگ بای لر نی ینه ده بای و فقیر لر نی ایسه ینه هم کوپراق قششاقلشتیرگن لیگی گه تیگیشلی فکر لری نی اوزگرتیشی ضروری.  
ترامپ رهبریتی, اولکه سی نینگ جهانی له شیش دن یخشی فایده له نه آلمه گن لیگی سببلی, ایرکین بازار اقتصادی گه ضد بیر شکلده, جهانی له شیش آلدی سیاست لری گه اهمیت بیره باشله دی.  مالیه لر نی آرتریاتگن لیگی, چیت ایل لر گه کیتگن سرمایه و شرکت لر نی امریکا گه قیتریاتگن لیگی خوددی شوو سیاست نینگ بیر بولگی دن عبارت. اوشبو سیاست لر دنیا تجارتی نی تارلشتیررایکن, باشقه اولکه لر بیلن بیرگه امریکا قوشمه ایالت لری گه هم ضرر بیره دیگن قدم لر دن عبارت بولماقده. مالیه نینگ آرتیریلیشی نینگ نرخ لرنینگ آرتیب کیتیشی گه سبب بوله دیگن لیگی سببلی اوشبو وضعیت اینگ کوپ عادی اهالی گه ضرر بیرماقده.  
ایککینچی سبب نینگ ایسه, امریکا رهبریتیده دینی جماعت لر و طریقت لر تاثیری نینگ کونساین آرتیب باریاتگن لیگی دن عبارت بولیشی ممکن.  امریکا نینگ کشیش برونسون و بیت المقدس کبی مسئله لر بوییچه حقیقت گه تینمه گن ایریم قرار لری نی باشقه چه ایضاحلش ممکن ایمس.  دولت رهبری اورینباسری مایک پنس بیلن امریکا نینگ آلدینگی دولت رهبر لریدن بیری بولگن بوش نینگ اوانجلیست کیشی لردن عبارت ایکن لیگی نی ینه بیر مرته ایسله تیب اوتیش کیره ک.  
امریکا نینگ ایچیده گی رهبریت بحرانی نینگ هم اوشبو خصوصده باشقه بیر سبب دن عبارت بولیشی ممکن.  کوپلب مسئله لر بوییچه پنتاگون, آق اوی و تشقی ایش لر وزیرلیگی نینگ فرقلی فکر لر گه ایگه ایکن لیگی کوزگه تشلنماقده.  حاضرگی کونده ایریم تامان لر ترامپ رهبریتی گه جدی بیر شکلده عکس العمل کورستماقده.  بعضاً اوشبو تامان لر نینگ ترامپ اقتداری نینگ اداققه ییتیشیشی کیره ک ایکن لیگی نی بیلدیریاتگن لیک لری هم معلوم قیلینماقده.  امریکا رهبریتی نینگ حاضرگی کونده بحران گه سبب بولیش حرکت لری نینگ سبب لریدن بیری نینگ هم منه شوندن عبارت بولیشی ممکن.  
خوب امریکا بیلن تورکیه اورته سیده گی بحران نینگ فقط گینه ایککی اولکه اورته سیده گی بحران دن عبارت ایمس لیگی تقدیرده نیمه قیلیش کیره ک؟ 
البته که اوشبو مسئله نینگ تورکیه, امریکا و باشقه برچه اولکه لر نی قیزیقتیریاتگن تامان لری موجود.  
امریکا نینگ حاضرگی سیاست لری گه قره گنده, واشنگتن رهبریتی نینگ گمرک مالیه لری نی آرتیریب ایرکین بازار اقتصادی نی تارلشتیریش گه حرکت قیلیاتگن لیگی کورینماقده.  خوددی شوو وضعیت نینگ اوزی ایسه برچه اولکه لر و کیشی لر گه ضرر بیره دی.  امریکا نینگ اینیقسه اقتصادی موفقیت لر گه قرشی آلیب باریاتگن اوشبو سیاست لری نی قسماً درک ایتیش ممکن.  بیراق, دنیا تجارت تشکیلاتی, دنیا بانکی و باشقه خلق ارا تجارت گه طرفدار لیک قیلیاتگن تشکیلات لرنینگ همه گه ضرر بیره دیگن امریکا نینگ اوشبو سیاست لری گه قرشی بیر یقه دن باش چیقریش لری کیره ک.  امریکا نینگ قاعده لر گه کوره حرکت ایتمس لیگی برچه اولکه لر اوچون خطر ایجاد قیلماقده.  
ایککینچی دنیا اوروشی جریانیده, نازیزم و فاشیزم کبی افراطی آقیم لر و حاضرگی کونده اورته شرقده گی دینی جریان لرنینگ اولکه لرینی قنده ی بیر وضعیت گه کیتیریب قویگن لیک لری انیق.  عینی دمده امریکا رهبریتی نینگ, صهیونیست مسیحیت اوله راق بیلینگن اوانجلیسم کبی افراطی دینی آقیم لرنینگ تاثیری آستیده قالیشی برچه انسان لر گه ضرر بیره دی.  امریکا ده گی اکثریتچی و لیبرال تامان لرنینگ اوشبو خطر نی درک ایتگن بولیش لری ممکن.  خوددی شوو تامان لرنینگ کوره شی حقیقت لر, ایرکین لیک لر و اکثریتچیلیک جهتی دن اوته مهم اهمیت گه ایگه.  
اولکه لرنینگ ایریم پیت لرده اقتصادی, سیاسی, فرهنگی و اجتماعی بحران لر گه دوچ کیلیب قالیشی ممکن.  اوشبو دایره ده اولکه لر حقیقت لر نی کوره آله دیگن کوچلی رهبر لر گه احتیاج حس ایته دی.  بیراق, ترامپ رهبریتی دن بونده ی بیر امید قیلیش نینگ اونچه لیک ممکن ایمس لیگی کورینماقده. امید قیلینیشی ممکن بولمه گن رهبریت نینگ فقط گینه ترامپ رهبریتی دن عبارت ایمس لیگی ایسه انسان لر نی انچه خفه قیلیب قویماقده.  شونده ی قیلیب کوپلب اوروپا اولکه لری هم کیله جک بیلن علاقه لی امید گه سبب بولمیدیگن رهبر لر تامانیدن باشقریلماقده.  
امیدی میز نی قولدن بیریب قویمیلیک. لیکن افسوس که حاضرگی خلق ارا سیاست دن امید قیلیش هم اونچه لیک ممکن ایمس.      

  
    



علاقه لی ینگی لیکلر