خوفسیز منطقه لر حیاتنی، انسانلیگیمیزنی نجات بیره دی

خوفسیز منطقه لر حیاتنی، انسانلیگیمیزنی نجات بیره دی

حلب کوییب بارماقده ایکن، دنیا بونی تماشا قیلیب تورگن. سوریه ده خوفسیز منطقه لر ایجاد ایتیش اوچون ترکیه تامانیدن عملگه آشیریلگن دعوت بوگونگچه بولیب کیلگن دیک عاجل و نجات بیرووچی دیر. خلق ارا جماعت نینگ حرکت سیز قالگن لیگی یالغیزگینه بشار اسد حکومتی نینگ بربرلیگی گه زمینه مساعد قیله دی. داعش تهدیدینی وسعت بیریب، بوندن کوپراق معصوم انسان نینگ اولیب کیتیشی گه باعث بوله دی.

امریکا قوشمه ایالتلری و روسیه تامانیدن 9 نچی سپتمبر کونی اورته گه تشلنگن آتش کیس حادثه سی نینگ موفق بولمه گن لیگیدن بیری بشار اسد حکومتی گه باغلیغ کوچلرنینگ هوائی هجوم لریده یوزلب کیشی اولدی. یالغیزگینه 25 نچی سپتمبر تاریخیده کوپراغی باله و خاتین-قیزدن عبارت 60 نفر حلب ده اولدیریلدی. صنعت و مدنیت نینگ سمبولی انسان موزائیکی، بو تاریخی شهر، سوریه ده 2011 نچی ییل حرب باشله گندن بیری هوائی هجوملرگه دوچ کیلدی.

اسد حکومتی مخالف کوچلرنینگ قلعه لریدن بیرته سی نینگ اورته دن قالدیریش اوچون حلب ده حیات کیچیریب تورگن لرنی و شهرنینگ بویوک قسمینی نابود قیلماقچی بولگن لیگی آشکار دیر. بو حادثه بیلن نسل قیرغینی و ظلم نی اثبات قیلگن بیر حکومت دیر. بو حکومت مهلت تاپیش قورقیش یره تیش استراتیژی سینی دوام ایتیش اوچون هر بیر آتش کیس و سیاسی کیلیشوو تشبثینی اوز منفعتی گه کوره استفاده قیلگن دیر. روسیه، ایران، حزب الله و ایریم گروه لرنینگ همکارلیگی بیلن حلب گه هرکون بیلر بمب و هوائی هجوملر بیلن کویدیریب بارماقده. بیرلشگن ملتلر تشکیلاتی نینگ همکارلیک قطارلریگه هم بو هجوملر اویوشتیریلدی. حکومت بو حادثه لرنی بیرلشگن ملتلر تشکلاتی نینگ 71 نچی عمومی ییغینی نی اویوشتیرگن هفته جریانیده عملی قیلیب، اویلمسدن خلق ارا جمعت نی کیچیک توشوریب خلق ارا جمعتنی مسخره قیلگن دیر.  

شونی بوندن آلدین هم تکرار قیلگن ایدیم. بیرلشگن ملتلر تشکلاتی خوفسیزلیک شوراسی نینگ 2015 نچی ییل 18 نچی دسمبر تاریخیده قبول ایتیلگن 2254 رقم لیک قراری، سوریه ده اوروش نینگ نهائی بولیشی، مشروع، قانونی، دموکراتیک و هر بیر جهتنی اوز ایچیگه آله دیگن بیر حکومت گه قره ب باره دیگن بیر سیاسی جریاننی ایجاد ایتیش داعش گه قرشی کوره شیش توغریسیده هم همکارلیک قیلییشی کیره ک ایدی.

فبروری آی نینگ 11 نچی تاریخیده قبول ایتیلگن "دشمن لیکلرنی نهائی بولیشی" بیلن علاقه لی مونیخ کیلیشووی نینگ هم جنوره ده بیرلشگن ملتلر تشکیلاتی نینگ رهبریتیده گی اوچره شوولرگه هم زمینه مساعد قیلیشی کیره ک ایدی. بیراق حکومت یینه بو اوچره شوولرنی برچه کیلیشوولرنی بوزیب، ایلگری باریش اوچون استفاده قیلدی. بیرلشگن ملتلر تشکیلاتی قبول قیلگن دیک اسد حکومتی بیرلشگن ملتلر خوفسیزلیک شوراسی نینگ 2254 رقم لی قرارینی مونیخ کیلیشووینی و 9 نچی سپتمبر دشمن لیکلرنی نهائی قیلییش کیلیشووینی بیر سیستم چوکاتیده دوامدار بوزگن ایدی. حکومت لاذقیه و حلب نینگ شمالیده جایلشگن ادلب ده گی مخالف لرنینگ کنترولیده گی ملکی اهالی بولگن منطقه لرگه بمب آتدی. یوزلب اهالینی اولدیردی و احتیاجی بولگنلرگه همکارلیک قیلییش گه رخصت بیرمه دی.

اسد حکومتی ایریم بیر "تینچ لیک معذرتی" گه اهمیت قائل ایمس ایدی. حلب ده گی ظلم گروهی تینچ لیک ویا سیاسی بیر پروسه گه علاقه کورستمس ایدی. انسانی یاردملرنی ملکی اهالی گه ییتیب باریشی گه تحمل قیلمه یدی. بیر ظالم دن مرحمت کوتیش عقل سیزلیک دیر.

بو توقنه شوونینگ عسکری نتیجه سیگه قره مه ی خلق ارا جمعیت، حلب و اولکه نینگ ایریم منطقه لریده گی اهالینی محافظه قیلیش اوچون حرکت قیلیشی کیره ک. بونینگ اینگ معقول یولی ملکی اهالی اوچون خوفسیز منطقه ایجاد ایتیش دیر.

اگر بو ظالمانه حرب نینگ سونگی 5 ییلی دن بیز بیرنیرسه لر اورگن گن بولسک او هم خوفسیز منطقه ایجاد ایتیب، بو شهرلرنی نابود قیلیش و مینگ لب مهاجرنی ترکیه و ایریم اولکه لرگه بدرغه بولیشی گه مانع بولیش اوچون اینگ معقول یول دیر.  

خوفسیز منطقه لر سوریه ده گی اوروش نینگ ایککی ظالمی اسد بیلن داعش نینگ قیلگن جنایتلریدن ملکی اهالی نینگ نجات بیریش اوچون یاردم ایته دی. مهاجرلرنینگ سانینی کمه یتیرییش و جایلریدین بی جای بولگنلرگه قاله دیگن جای تدارک ایتیش اوچون یاردمچی بوله دی. بیرلشگن ملتلر تشکیلاتی و ایریم موسسه لرنینگ انسانی یاردم آلیب باریشی گه امکانیت بیره دی. عین دمده خوفسیز منطقه لر سوریه خلقی نینگ یکه بولمه گن لیکلرینی خلق ارا جامعه نینگ اولرنی محافظه قیلییش اوچون بوجایگه کیلگن لیکلرینی کورستیب، امید بیرگن بوله دی. بو وضعیت امریکا قوشمه ایالتلری و اروپا بیرلیگی قاله ویرسه برچه حصه دارلرنینگ منفعتی گه بوله دی.

بونگه ییتیب باریش قیین ایمس. خوفسیز منطقه لرنی ایجاد ایتیش نینگ سیاسی و عسکری کلفتی بولسه هم سوریه لیکلر دوچ کیلگن دردلرنی نهائی قیلگن بوله دی.

سوریه ده خوفسیز منطقه ایجاد ایتیش اوچون ایتیلگن قیینچیلیکلر در حقیقت بهانه دن عبارت دیر. موفق بولگنی گه قره گنده داعش گه قرشی کوره شیش عسکری جهتدن خطری کم ایمس دیر.

خوفسیزلیک منطقه نینگ فایده سی انچه کوپ بوله دی، ملکی اهالیدن محافظه قیله دی، اسد حکومتینی مذاکره میزیگه کیلیشی اوچون مجبور قیله دی، مهاجرلرنینگ سانی آز بولیب قاله دی، سوریه ده گی معتدل مخالف گروه لری داعش و اسد حکومتی گه قرشی کوچلی بولیب قاله دی و سوریه ده گی حرب بیر اندازه کنترولگه آلینه دی.

سوریه ده خوفسیز منطقه ایجاد ایتیش اوچون یول قیدیریش ظالم بشار اسد حکومتی گه آتش کیس ویا تینچ لیک اوچون التماس دوعا قیلماق بیلن مقایسه قسلگنده سیاستاً و اخلاقاً معقول راق دیر. خلق ارا جمعیت بونی عملی قیلیش اوچون بعضی بیر واسطه گه ایگه دیر بیراق اچیندیره دیگن و اویت لی بیر شکلده ایتییش کیره ک سیاسی اراده و اخلاقی غایه لری یوق. خودی شو حادثه بو دورنینگ اخلاقی جهتدن کم چیلیگی دیر، انسان لیگیمیزنینگ سوریه خلقی بیلن بیرگه اولگن لیگی گه دقت قیلگنده بو آرتیق یاقیملی کیلمه یدی.