ینگی دنیاگه قره ته ترکیه نینگ غایه سی

ینگی دنیاگه قره ته ترکیه نینگ غایه سی

اجتماعی مهندس لیک پروژه لرنینگ برچه سی برهم ییدی

ترکیه نینگ محافظه کار سیاستی نینگ اساسی اجتماعی مخالفت دن عبارت دیر. ملت گه بناً عملگه آشیریله یاتگن زوروان لیکلرگه قرشی سیاسی اوله راق بیریلگن مجادله انچه ایسکی دیر. جمیل مریچ نینگ ایفاده سی بیلن "بو اوروش اولیمپوس تاغی نینگ باله لری بیلن هیرو تاغی نینگ باله لری آره سیده دیر" خودی استاد " اولیمپوس تاغی نینگ باله لری بیلن هیرو تاغی نینگ اولادلرینی اصلا قبول قیلمه یدی" دیب ایتماقده دیر. اوشبو اوروش بیلن بوگون گه ایز قالدیریش اوچون چرکز حسن بیلن حسین آونی پادشاه گچه کیتیش ممکن دیر. عین مجادله دوام ایتماقده دیر. قیسقه چه اوشبو جغرافیه ده بومی بیلن مهندس لیک آره سیده هر پیتده اوروش حادثه سی یوز بیرگن دیر و بو مجادله ده مهندس لیک طرفدارلری غالب کیلگن دیر. چونکه مجادله نینگ قاعده و قانونلرینی و زمینه سینی اوزلری تعیین ایتماقده ایدی.

قچان کی بومی لر قینلسه هم رقابت و مجادله اوچون بعضی بیر شرایطنی قبول قیلیب باشله دیلر وضعیت گه هم بعضی بیر اوزگریش کیلیب باشله دی.

کوپ حزب لیک دوره سی باشله گنده خلق حزبی دموکراتیک حزب گه قرشی انتخاباتلرده هیچ بیر پیتده موفق بوله آلمه دی. صندوق لرنینگ محکمه نظارتی آستیده آچیلگن لیگی باعث دموکراتیک حزب اقتدار بولدی.

بومی لر دولت و اقتداردن آسان گینه نیرسه تقاضا قیلدیلر. رقابت نینگ قاعده و قانونی آلدین دن تعیین ایتیلسین. رقابت دوام ایته دیگن پیتده قانون و لایحه گه اوزگریش کیلتیریلمه سین. فوتبال اوله راق باشله گن بیر مسابقه رگبی اوله راق دوام ایتمه سین، دیدیلر. خودی شو ایستک ینگی مجادله ساحه سیگه، شکل و قاعده سیگه اخلاقی ارزشلرنی تعیین ایتیش ایستگی ایدی.

بو وضعت دن خبردار بولگن لر قوللریده گی امکان لرنی قولدن بیرمس لیک اوچون هر بیر پیتده رقیبنی ضعیف قیله دیگن بیر ساحه قولکه کیریتیش گه موفق بولدیلر. بیراق دموکراسی گه بولگن علاقه و ینگی دنیانی کوریش بولرنی کیچیک بیر رقیب لیکدن چیقردی. بوندن بویان کوچلی بیر سیاسی حرکت بولیب قالگن ایدی. خودی شو وضعیت زمان و مکان گه کوره یوز بیرگن بعضی بیر قورقیش لر بیلن تأثیر آستیگه آلیشلرینی قیین وضعیت گه کیلتیردی.

حاضرگی پیتده اجتماعی مهندس لیک پروژه لری اوچون حرکت قیلیب تورگنلرنینگ بو اولکه نینگ مسأله لرینی برطرف ایتیش ساحه سیده ناکام قالگن لیکلرینی کورماقده دیر. یوقاریدن کیلگن لر هم مغلوب بولدیلر همده ینگی بیر غایه یراتمه دیلر. جماعت گه وعده قیله دیگن هیچ بیر نیرسه لری قالمه دی. سیاسی مجادله ده موفق بولمه گن لیکلری اوچون تعیین ایتووچی بیر رول ایگه سی بولیشدن کون سایین اوزاق قالیب کیتماقده دیرلر.

موفق بولگن لر هردائیم قاعده لرنی تعیین ایته دیلر. خلق مجادله ده موفقیت قولگه کیریتدی بوندن بویان تصمیم خلق نینگ قولیده دیر. قیسقه چه طبیعی اتنیکدن دفاع قیلیب تورگنلر ایکّی یوز ییل دن بیری دوام ایتیب تورگن ترک – کورد اولوسچی لرگه قرشی موفقیت قولگه کیریتدی.

البته مجادله ده موفقیت قولگه کیریتیلدی. بیراق اوشبو موفقیت قولگه کیریتیلگن اوشبو حادثه نی آرقه دن کیله دیگن نسل گه انتقال بیریش اوچون ایکّی مهم نقطه نی عملی قیلیش کیره ک دیر. بیرینچی سی اخلاقی ارزشلرنی قوریش، ایکّینچی سی ایسه عدالت نی تأمین ایتیش دیر. یعنی عادل بیر تیزیم ایجاد ایتیب، جمعیت نی آیدین کیله جک تمان آلیب باریش دیر. خودی شو هم تاریخی بیر مسولیت دیر همده انسانی و اسلامی بیر وظیفه دیر. عکس حالده مسولیتنی ادا قیلالمه گن لیگیمیز اوچون هم بو دنیاده همده او دنیاده جواب بیرالمه ی میز.

ییلدیریم بیاضید عالی بیلیم یورتی استادلریدن پروفیسر دوکتور مظهر باغلی نینگ یازووینی تقدیم ایتدیک.