داعش نینگ پیدا بولیش سبب لری

ترکیه نینگ ترور تشکیلاتی داعش گه قرشی کوره شی کونساین آرتیب بارماقده. میلادی ۲۰۱۳ نچی ییلی اوکتوبر آییده داعش نی ترور تشکیلاتی اوله راق اعلان ایتگن ترکیه جمهوریتی نینگ داعش سیاستی, سوریه ده گی ینگی لیک لر دایره سیده عملی بولیب باشلندی. اوشبو موضوع بیلن علاقه لی میلادی ۲۰۱۵ نچی ییلی جولای آیی نینگ ۲۰ نچی کونیده ترکیه جمهوریتی اورفا ولایتی سوروچ اولسوال لیگی ده اویشتریلگن ترویستیک هجوم اوته مهم بیر موضوع نی تشکیل ایتدی. شونده ی قیلیب ترکیه امریکا قوشمه ایالت لری بیلن بولگن کیلیشو دایره سیده داعش نینگ موضع لری گه قرشی هوائی عملیات اویشتریب باشله دی. عینی دمده ترک پولیس لری داعش منسوب لری نی اوشلب آلدی. براق, ترکیه نینگ داعش گه قرشی کوره شی فقط گینه حربی عملیات لر و پولیس لر تمانیدن آلینگن امنیتی تدبیر لر دن عبارت ایمس البته که.
تئوریک جهت دن آلیب قره گنده فقط گینه امنیتی تدبیر لر بیلن داعش گه قرشی کوره ش بوییچه موفق بولیش ممکن ایمس. عینی دمده داعش مفکوره سی نینگ هم تاثیر سیز وضعیت گه کیتیریلیشی کیره ک. داعش گه قرشی کوره ش بوییچه اینگ اساسی موضوع داعش نینگ اسلام دینی دن ناتوغری بیر شکلده فایده له نیب اینیقسه یاش لر نی یولدن چیقاریتگن لیگی دن عبارت. شونده ی قیلیب داعش نینگ اوشبو میتود دن فایده له نیب اوزی گه یاش لر نی جذب ایتیشی گه مانع بولینمس لیگی تقدیرده, فقط گینه امنیتی تدبیرلر بیلن اوشبو قیین چیلیک گه قرشی کوره ش آلیب باریش نینگ قالوچی بیر نتیجه بیریشی ممکن ایمس.
ترکیه اوشبو سیاستی دایره سیده ترور تشکیلاتی داعش گه قرشی کوره ش اوچون جدی فعالیت لر آلیب باریب باشله دی. ترکیه جمهوریتی دینی ایش لر عمومی ریاستی تمانیدن قبول ایتیلگن داعش بیلن علاقه لی بیر راپورده, اوشبو ترور تشکیلاتی گه قرشی کوره ش اوچون دینی میتود لر دن استفاده ایتیلیشی گه تیگیشلی بیر پلان تیارلندی. اوشبو دایره ده ترکیه ده دینی ایش لر عمومی ریاستی داعش نینگ ناتوغری دینی پروپاگند لری نی تاثیر سیز وضعیت گه کیتیریش اوچون جدی بیر شکلده فعالیت آلیب باره دی. شونده ی قیلیب مسجد لر, مدرسه لر و باشقه دینی موسسه لر ده داعش نینگ دینی مفکوره لری نینگ ناتوغری ایکن لیگی انسان لر گه توشینتریلیب بیریله دی. اوشبو دایره ده انسان لر نینگ توغری دینی بیلگی گه ایگه بولیشی اوچون زمینه یره تیله دی.
شونده ی قیلیب, جهاد انسان لر نی اولدیریش دن عبارت ایمس, سلفی دین مفکوره سی نینگ سمبول لر گه قرشی حمله سی توغری بیر حرکت دن عبارت ایمس, جنت گه کیتیش اوچون انسان اولدیریش ضروری ایمس, مذهب فرقلی لیق لری باشقه مذهب لرنینگ کافر ایکن لیگی معنی سی کیلمیدی و فرقلی دین گه منسوب انسان لرنینگ اولدیریلیشی فقط گینه تروریزم دن عبارت شکلیده گی موضوع لر باره سیده بحث ایتیله دی.
خودی منه شو راپور ده مطرح ایتیلگن باشقه اینگ مهم خصوص لردن بیری نینگ هم داعش نینگ تروریستیک فعالیت لری نینگ برچه اسلام عالمی گه ضرر بیریتگن لیگی دن عبارت. عینی دمده اوشبو راپورده, دنیا ده گی برچه اسلام عالم لری نینگ بیر یقه دن باش چیقاریب مشترک بیر شکلده داعش گه قرشی کوره ش آلیب باریشی طلب ایتیلماقده. داعش نینگ دنیا گه ترقه لیب کیتیشی نینگ اینگ مهم سبب لری دن بیری نینگ قسماً اسلام اولکه لری ده گی ناتوغری دینی مفکوره لر و قسماً هم دینی موضوع لر توغری سیده بیر فکر بیرلیگی نینگ موجود ایمس لیگی دن عبارت.
داعش نینگ پیدا بولیشی بوییچه اسلام اولکه لری و اورته شرق ده گی سیاسی و حربی معما لر اوزی گه خاص بیر رول گه ایگه. القاعده و داعش سنگری ترور تشکیلات لری البته که خودی منه شو معما لر دن منفی بیر شکلده استفاده ایتماقده. اینیقسه عراق و سوریه سنگری اولکه لر ده گی امپریالیزم و دیکتاتورلیک اوشبو موضوع بوییچه اوزی گه خاص بیر رول گه ایگه البته که. ناتوغری خلق ارا سیاست لرنینگ داعش سنگری ترور تشکیلات لری نینگ پیدا بولیشی گه سبب بولیتگن لیگی معلوم بیر حقیقت نی تشکیل ایتماقده. براق, برچه سیاسی قیین چیلیک لر گه قره مسدن, مقدس اسلام دینی نینگ ارزش لری نینگ اوشبو معما لر بوییچه بهانه قیلینیشی گه مانع بولینیشی ضروری. اوشبو موضوع بیلن علاقه لی اولکه لر و اوتوریته لر آره سیده بیر اوز ارا همکارلیک نینگ موجود بولیشی کیره ک.
موضوع بیلن علاقه لی مهم بیر اولکه گروپی, غربی اولکه لر ده گی دینی و سیاسی موسسه لر و شخصیت لر دن عبارت. داعش نینگ بشری منبعی نینگ مهم بیر قسمی نینگ اوروپا اولکه لری و امریکا قوشمه ایالت لریدن عبارت ایکن لیگی بیلینگن بیر حقیقت نی تشکیل ایتماقده. داعش گه قرشی کوره ش بوییچه غربی اولکه لر ده گی مسجد و مدرسه لر سنگری دینی موسسه لر بیلن, بولر نینگ فعالیت لری گه اهمیت بیرمیتگن و حتی حمایه لیتگن سیاسی موسسه لرنینگ توسیق له نیشی ضروری.
اوشبو دایره ده اینگ مهم موضوع لر دن بیری غرب ده گی اسلام هراس لیک دن عبارت. شونده قیلیب, غربی اولکه لر ده یشیتگن و اینگ یخشی تحصیلی مرکز لر ده تحصیل آلگن مسلمان یاش لر قنده ی قیلیب و نیمه اوچون ترور تشکیلاتی داعش گه قوشیلماقده؟ داعش گه قوشیلگن مسلمان یاش لر نینگ معما لری نینگ منبعی بوییچه غرب نینگ تحصیلی سیستمی نینگ قنده ی بیر رول گه ایگه بولیشی ممکن؟ غرب ده گی درسی مفردات نینگ مسلمان لرنینگ تعلیم و تربیه سی بوییچه ییترسیز بولیشی ممکن می؟ یاکه اوشبو تعلیمی برنامه لر دن ییترلیک مقیاسده فایده له نه آلمیتگن مسلمان یاش لر و عایله لریده هر قنده ی بیر قیین چیلیک موجود می؟ و اوشبو معما لرنینگ قنده قیلیب ییچیلیشی و نتیجه ده داعش سنگری ترور تشکیلات لری گه یاش لر نینگ قوشیلیب کیتیشی گه قنده قیلیب مانع بولینیشی ممکن؟ کبی سئوال لر گه جواب قیتریلیشی کیره ک.
اوشبو سئوال لر فقط گینه مسلمان اولکه لر و غربی اولکه لر اوچون ایمس, بلکه دنیا نینگ بیر قسم لری اوچون هم مطرح البته که. اصلی گه قره گنده داعش خلق ارا مقیاسده بیر معما دن عبارت. شوباعث, دنیا نینگ مقدس اسلام دینی نی توغری بیر شکلده درک ایتگن یاش لرنینگ داعش سنگری ترور تشکیلات لری گه قوشیلیب کیتمیدیگن لیگی نی توشینیب آلیشی کیره ک. داعش نینگ مقدس اسلام دینی دن استفاده ایتیب شوم نیتی نی تطبیق ایتمس لیگی اوچون اسلام اولکه لری نینگ اوز سیاست لری باره سیده قیته باشدن باش قاتریش لری ضروری. اینگ مهمی ایسه عراق و سوریه سنگری اولکه لر ده اوروش لر گه سبب بولیتگن ایچکی و تشقی معما لر گه قالوچی و عادلانه بیر ییچیم یولی نینگ تاپیلیشی کیره ک.