اورته شرقده گی معما لر نینگ اساسی سببی نیمه ؟ سیاسی تحلیل

اورته شرق, میلادی ۱۹ نچی عصر نینگ سونگگی و میلادی ۲۰ نچی عصر نینگ ایسه باشیده انگلیس و فرانسه امپریالیزمی بیلن پیدا بولگن بیر جغرافیه دن عبارت. حتی اورته شرق اصطلاحی ایلک مراتبه میلادی ۱۹۰۲ نچی ییلیده انگلیس حجت لریده ذکر ایتیلرایکن, شوندای قیلیب اوشبو اصطلاح انگلستان فکری نی عکس ایتتیرماقده. اوروپا امپریالیزمی نینگ تاثیری آستیده تشکیل تاپگن اورته شرق, ساووق اوروش دوریده, امریکا قوشمه ایالت لری بیلن سابق سویت اتفاقی آره سیده گی رقابت لر گه کوره اوزی گه خاص بیر خصوصیت گه ایگه بولیب قالدی. شوندای قیلیب اورته شرق حاضرگی کونده هم خلق ارا مقیاس ده گی سیستم نینگ تاثیری آستیده قالگن بیر منطقه نی تشکیل ایتماقده. ساووق اوروش نینگ اداغگه ییتیشیشی آرتیدن منطقه گه غربی کوچ لر دن تشقری, چین کبی شرقی کوچ لرنینگ هم کریب کیلگن لیگی کورینماقده. چین, اینیقسه اقتصادی و بیرلشگن ملت لر تشکیلاتی ده گی سیاسی کوچی سببلی منطقه ده اوز موجودیتی نی حس ایتتیرماقده.
اورته شرق باره سیده بحث ایترایکن, فقط گینه منطقه نینگ تشقری سیده گی اولکه لرنینگ تاثیری باره سیده بحث ایتیش توغری بیر حرکت دن عبارت بولمیدی. شوندای قیلیب اورته شرق ده گی معما لرنینگ همه سی نینگ فقط گینه منطقه نینگ تشقری سیده گی اولکه لر دن کیلیب چیقیتگن لیگی نی بیلدیریش نینگ اوزی اشتباه بیر فکر دن عبارت. اصلی گه قره گنده, اورته شرق سیستمی و دولت لری نینگ ضعیف ایکن لیگی سببلی خودی منه شو منطقه نینگ تشقری سیده گی اولکه لرنینگ اوز سیاست لری ده موفق بولگن لیک لری کورینماقده. میلادی ۱۷ و ۱۸ نچی عصر لر ده عمل گه آشیریلگن مدرن له شیش انقلاب لری بیلن اوروپا و غرب دنیاده کینگ قولاچ یاییب کیترایکن, اورته شرق و اسلام عالمیده ایریم ینگی لیک لر یوز بیردی. شوندای قیلیب, اورته شرق و اسلام عالمی خودی منه شو دور نینگ اوزیده, اوشبو دور گه قدر ایگه سی بولگن موفقیت لری نی تیز بیر شکل ده قولدن بیررایکن, تشقی فکتور لرنینگ تاثیری آستیده قالیب کیتدی. اوشبو دایره ده خودی منه شو دورده غرب اوز کوچی نی آرتررایکن, اسلام عالمی ایسه اوز کوچی نی قول دن بیریب باشله دی. شوباعث, حاضرگی کونده اورته شرقده موجود بولگن معما لر بوییچه منطقه مقیاسی ده گی اکتور لر و فکتور لر نینگ رولی نینگ ایسدن چیقاریلمس لیگی کیره ک.
اورته شرق, مقدس اسلام دینی نینگ باشلنغیچ کون لری دن باشلب, میلادی ۱۹ نچی عصر گه قدر فقط گینه منطقه مقیاسیده گی فکتور لر نینگ تاثیری آستیده اوزی گه خاص بیر جغرافیه دن عبارت بولیب کیلگن. اموی لر, عباسی لر, سلجوقی لر و عثمانی لر سنگری کتته امپراطورلیک لر و فکر لر, ۱۴ عصر لیک بیر مدت دوامیده اورته شرق ده اتحاد نی تامین ایتگن لیگی دیک, منطقه نی خارجی فکتور لر دن هم محافظه ایتیب کیلگن البته که. عینی دمده صفوی لر و بابری لر نینگ, هند و جنوبی آسیا ده اینگ مهم فکتور لر و اکتور لر عبارت بولیب کیلگن لیگ لری کورینماقده. خودی منه شو امپراطورلیک لر نینگ اوزی اوز دور لری نینگ اینگ یخشی فکر لری نی مطرح ایتیب اسلام عالمی مدنیتی نی قورگن لر. شوندای قیلیب میلادی ۱۴ نچی عصر دوامیده موجود تهدید لر نی برطرف ایتیش گه موفق بولگن لر.
ایندی, "آلدین اورته شرق نی باشقریب کیلگن اوشبو امپراطورلیک لر میلادی ۱۹ نچی و ۲۰ نچی عصر لر ده نیمه اوچون و قندای قیلیب اوز کوچی نی قولدن بیریب قویدی؟" شکلیده گی بیر سئوال گه جواب قیتریش کیره ک.
اوشبو سئوال گه اوتمیشده کوپلب کیشی تمانیدن بیر نیچه مراتبه جواب قیتریلدی. اورته شرق و اسلام عالمیده موجود بولگن قیین چیلیک لرنینگ ییچیلیشی بیلن علاقه لی کوپلب پروژه لر و پلان لر اویلب چیقاریلدی. حتی اوشبو موضوع بیلن علاقه لی یازیلگن مینگ لب مقاله و کوپلب کتاب لر موجود. خودی منه شو پروژه لر نینگ همه سی گه قره گنده اوچ اساسی فکر نینگ موجود ایکن لیگی کوزگه تشلنماقده. ایریم تمان لر اوتمیشده گی کوچلی امپراطور لیک لر نینگ فکر لری نینگ حاضرگی کونده هم تطبیق ایتیلیشی کیره ک ایکن لیگی نی بیلدیررایکن, بعضی تمان لر ایسه خودی منه شو اوتمیش نینگ بوتونلَی ایسدن چیقاریلیشی کیره ک ایکن لیگی نی معلوم قیلماقده. اوچینچی بیر گروپ ایسه, اوتمیش ده گی فکر لر بیلن بیر قطارده, مدرن دور نینگ فکر لری دن هم استفاده ایتیلیشی نینگ ضروری ایکن لیگی نی بیلدیرماقده. خودی منه شو اکثریتچی فکر نینگ اویغون بیر فکر اوله راق قبول ایتیلیشی ممکن. براق, حاضرگی کونده اورته شرقده خودی منه شو فرقلی و اکثریتچی سیاست نینگ سیاسی رقابت گه ایله نیب کیتگن لیگی نینگ اوزی نینگ موجود معما لرنینگ اساسی نی تشکیل ایتیتگن لیگی کورینماقده. اصلی گه قره گنده معقول اوله راق کورینیتگن اکثریتچی فکر لر و سیاست لرنینگ, افسوس که اورته شرق و اسلام عالمیده جنجال لرنینگ منبعی گه ایله نیب قالگن لیگی کوزگه تشلنماقده. انیق قیلیب ایتیله دیگن بولسه اگر, دینی و مذهبی, سیاسی و آیدیولوژیک و اقتصادی و انرژی سیاست لر نینگ بیر بیر لری گه ضد بولیب قالگن لیگی کورینماقده.
شوندای قیلیب اورته شرقده گی معما نینگ, منطقه نینگ همه سی نی اوز بغری گه باسه دیگن بیر سیاست و فکر نینگ موجود ایمس لیگی دن کیلیب چیقیتگن لیگی بیلینگن بیر حقیقت نی تشکیل ایتماقده. منطقه ده اسلامی بیر فرهنگ نینگ حاکم بولیشی گه قره مسدن بوندای بیر معما نینگ موجود ایکن لیگی نینگ قیزیق بیر موضوع نی تشکیل ایتیشی ممکن. براق, اصلی گه قره گنده اساسی مسئله خودی منه شو موضوع دن عبارت.
مسلمان لرنینگ همه سی و منطقه انسان لری نی بیر یقه دن باش چیقاریش گه اوندیدیگن انیق بیر سیاست موجود ایمس. مثال قیلیب آلگنده برچه اوروپا منطقه سی نی بیرلشتره دیگن اوروپا بیرلیگی فکری موجود ایکن, اورته شرق بیلن علاقه لی بوندای بیر فکر موجود ایمس. خوب, یوزلب ییل بیر بیر لری بیلن اوروشگن اوروپا نی بیرلشترگن اوروپا بیرلیگی کبی بیر فکر نینگ اورته شرق اوچون هم تطبیق ایتیلیشی ممکن می؟
حاضرگی کونده گی وضعیت گه قره گنده بوندای بیر سئوال گه جواب قیتیرش البته که قیین بیر ایش نی تشکیل ایتماقده. شوباعث, اوشبو سئوال گه بیر جواب قیدیریش گه حرکت ایتیش هم ممکن ایمس. بونینگ اورنیگه, منطقه ده بیرلشتروچی بیر سیاست نینگ تطبیق ایتیلیشی بوییچه قندای قیین چیلیک لرنینگ موجود ایکن لیگی توغری سیده باش قاتریش کیره ک البته که. اورته شرقده هر قندای بیر سیاست نینگ تطبیق ایتیلیشی تقدیرده, قوییده گی فکتور لر گه البته که اهمیت بیریلیشی ضروری.
منطقه ده دینی, سیاسی و اقتصادی ایریلیق لر نی قندای قیلیب اداغگه ییتیشتریش کیره ک؟
منطقه نینگ کوچلی دولت لری بیلن منطقه نینگ تشقری سیده گی کوچلی دولت لر آره سیده گی علاقه لرنینگ قندای بولیشی ضروری؟
منطقه نینگ تشقری سیده گی اکتور لرنینگ منطقه ده گی امپریالیزمی گه قندای قیلیب جواب قیتیریش کیره ک؟
منطقه اولکه لری ده گی خلق لرنینگ, اولکه لری ده گی رهبریت لر نی قندای قیلیب دیموکراتیک میتود لر بیلن کنترول ایتیش لری ممکن؟
منطقه ده گی معما لرنینگ (اسرائیل بیلن فلسطین آره سیده گی معما, دیکتاتورلیک, بای لر بیلن فقیر لر آره سیده گی رفاهی سویه سی فرقی, تعلیم و تربیه و باشقه موضوع لر" قندای قیلیب ییچیلیشی کیره ک؟
اورته شرقده گی معما نینگ ییچیلیشی اوچون یوقاریده گی سئوال لرنینگ همه سی گه جواب قیتره آله دیگن بیر سیستم نینگ تطبیق ایتیلیشی ضروری البته که.