چناق قلعه اوروش لری نینگ یوزینچی ییل لیگی

چناق قلعه اوروشی نینگ ۱۰۰ نچی ییل لیگی مناسبتی بیلن بولیب اوتگن مراسم لر جریانیده ایریم دولت لر و رهبر لر نینگ حرکت لری, قیزیق اخلاقی بیر منظره نی کورسه تیب بیردی. اوشبو حرکت لرنینگ, میلادی ۱۹۶۶ نچی ییلیده ثبت ایتیلگن "یخشی و یمان" نامیده گی فلم نینگ عنوانی دن فایده له نیب بهالنتریلیشی ممکن. دایرکتری سرگیو لیون و اوینچی لری ایسه کلینت ایستوود, ایلی والاچ و لی کلیف دن عبارت بولگن اوشبو فلم آرقه لی, امریکا ده گی ایچکی اوروش لر جریانیده اوچ کاوبای نینگ, جایی نی انیق روشده بیلمه گن کومیلگن آلتین لر نی قدیریش اوچون قیلگن سعی و حرکت لری توغری سیده معلومات بیریلماقده. خودی منه شونگه اوخشش وضعیت لر نی, کونده لیک حیات, اینیقسه سیاست و خلق ارا علاقه لر بوییچه موضوع لر ده هم کوریشی میز ممکن. خلق ارا علاقه لر ده, فقط گینه منفعت و کوچ کوره شی ایمس, بلکه اخلاقی بیر موضوع نینگ هم بحث موضوعی ایکن لیگی بیلینماقده. مثال قیلیب آلگنده میلادی ۲۰۱۵ نچی ییلی اپریل آیی نینگ ۲۳ نچی و ۲۵ نچی کون لری آره سیده بولیب اوتگن چناق قلعه اوروش لری نینگ ۱۰۰ نچی ییل لیگی مراسم لریده گی دولت لر و رهبر لر نینگ حرکت لری نی اوشبو دایره ده بهالنتریش ممکن البته که.
میلادی ۱۹۱۵ و ۱۹۱۶ نچی ییل لری آره سیده گی چناق قلعه اوروش لری هم یخشی و یمان لرنینگ بیر بیر لری نینگ ایچی گه کیریب قالگن بیر اوروش دن عبارت ایدی. اوشبو اوروش جریانیده اساساً انگلستان و فرانسه حاضرگی کونده ترکیه حدود لری ایچیده اورین آلگن چناق قلعه تنگه سیدن اوتیب اوشه پیتده عثمانی امپراطورلیگی نینگ پایتختی بولگن استانبول نی قول گه کریتیش گه انتیلرایکن, شوندای قیلیب متفق روسیه گه یاردم ییتیشتریب بیریش گه حرکت ایتماقده ایدی. باشقه بیر تماندن ایسه روسیه اوشبو اوروش جریانیده موفق بولیب چیقیشی تقدیرده, استانبول نی قول گه کریتیب اورته دوکس لرنی باشقریش و شرقی اناتولی نی اشغال ایتیب بیر ارمنی دولتی قوریش نی ریجه له ماقده ایدی. خودی منه شو پلان لرنینگ همه سی خلق ارا علاقه لر نینگ یمان تمانیدن عبارت ایدی. براق, اوشه پیتده روسیه و ائتلاف دولت لری نینگ اوشبو پلان لری نی تطبیق ایتیش اوچون جوده هم یمان بیر یول نی سیله گن لیگی کورینماقده. شوندای قیلیب عثمانی امپراطورلیگی نینگ تبعه لری دن عبارت ارمنی لر و ارمنی کمیته لری نی عثمانی دولتی گه قرشی تحریک ایتدی.
اوشبو یمان سیاست لر گه قرشی, عثمانی دولتی رهبرلیگی ایککی مهم فعالیت آلیب باردی. بیر تماندن چناق قلعه ده انگلستان و فرانسه گه قرشی اوز توپراق لری نی مدافعه ایتیش گه حرکت ایترایکن, باشقه بیر تماندن ایسه اناتولی ده بیر ایچکی اوروش نینگ باشلب کیتمس لیگی اوچون ایریم تدبیر لر آلدی. اوشبو تدبیر لر حقیقی بیر سیاست و اخلاقی جهت دن اویغون تدبیر لر دن عبارت ایدی. براق, اتحاد و ترقی رهبریتی نینگ اوشبو مقصد بیلن ارمنی لر نینگ تهجیری گه تیگیشیلی تطبیق ایتگن میتود یخشی بیر میتود دن عبارت ایمس ایدی. اینگ یمان وضعیت ایسه, عثمانی دولتی توپراق لری ده یوزلب ییل بیرگه یشب کیلگن ارمنی لر, ترک لر, عرب لر و کرد لر نینگ بیر بیر لری گه قرشی اوروشیش لری دن عبارت ایدی. یوز مینگ لب ملکی نینگ ایریم لری نینگ قوشنی چیلیک و قرداش لیک ارتباط لری نی اداغگه ییتیشتریب قویگن لیگی قنچه لیک یمان بولسه, خودی منه شو خلق نینگ اکثریتی نینگ هجوم لر گه قرشی اوز لری نی مدافعه ایتیش گه حرکت ایتیش لری نینگ اوزی هم مختاوگه سزاوار بیر حرکت دن عبارت ایدی البته که.
چناق قلعه اوروشی جریانیده کورینگن اوشبو خفه ایتوچی منظره گه اوخشش ینه بیر منظره ۱۰۰ ییل کیین میلادی ۲۰۱۵ نچی ییلی اپریل آیی نینگ ۲۳ نچی و ۲۵ نچی کون لری آره سیده بولیب اوتگن مراسم لر جریانیده هم کوریندی. چناق قلعه اوروش لری نینگ ۱۰۰ نچی ییل لیگی مناسبتی بیلن استانبولده بولیب اوتگن تینچ لیک ییغیلیشی و چناق قلعه ده گی مراسم لر جوده یخشی بیر شکلده بولیب اوتدی. خودی منه شو مراسم گه ترک لر دن تشقری, ۱۰۰ ییل آلدین بابه لری اوروشگن آنزاک لر دن هم کوپلب کیشی اشتراک ایتدی. اوشبو وضعیت ایسه ینه ده یخشیراق بیر منظره نینگ تشکیل بولیشی گه سبب بولیب کیتدی. اوروش نینگ اچچیق خاطره لری دن درس آلیب حاضرگی کونده دوستانه بیر شکلده یشش نینگ اوزی مهم بیر موضوع نی تشکیل ایتماقده. عینی دمده, ۱۰۰ ییل آلدین حیات دن کوز یومگن ارمنی لرنینگ یاد ایتیلیشی اوچون کوپلب کیشی نینگ اشتراکی بیلن استانبول و باشقه شهر لرده مراسم لرنینگ بولیب اوتگن لیگی نینگ اوزی هم مهم بیر موضوع دن عبارت بولدی. براق, خودی منه شو اوروش لر جریانیده حیات دن کوز یومگن میلیون لب باشقه کیشی لر و اینیقسه مسلمان لرنینگ بو طریقه کوچلی بیر شکلده یاد ایتیلمه گن لیگی درک ایتیلیشی ممکن بولمه گن یمان بیر خبر نی تشکیل ایتماقده.
اوشبو ییغیلیش لر گه اشتراک ایتمه گن, خودی منه شو ییغیلیش لر نینگ تینچ لیک و دوست لیک پیامی گه اهمیت بیرمسدن, ۱۰۰ ییل آلدین یوز بیرگن مذکور اوروش لر دن سیاسی مقصد لر بیلن فایده له نیش گه حرکت ایتیتگن تمان لر نینگ موجود ایکن لیگی هم یمان بیر وضعیت دن عبارت. پاپ فرانسیس, اوروپا پارلمانی, روسیه و باشقه اولکه لرنینگ چناق قلعه اوروش لری نینگ ۱۰۰ نچی ییل لیگی مناسبتی بیلن فقط گینه ارمنی لر نینگ درد لری نی انعکاس ایتتریب باشقه تمان لرنینگ درد لری گه اهمیت بیرمه گن لیگی یمان بیر نرسه ایکن, اوشبو حادثه لر نی ارمنی قیرغینی اوله راق قبول ایتیش لری ایسه ینه ده یمانراق بیر موضوع نی تشکیل ایتدی. پاپ نینگ اوشبو یول بیلن مسیحی لر نی بیرلشتریش گه حرکت ایتیشی, امریکا قوشمه ایالت لری نینگ اوشبو قراری بیلن ارمنی لوبی سی نی خرسند قیلیش گه انتیلیشی, روسیه و فرانسه نینگ ایسه ارمنی لر آرقه لی قفقاز لر ده کوچ ایگه سی بولیش اوچون سعی و حرکت ایتیشی جوده هم یمان بیر سیاست دن عبارت.
خودی منه شو سیاست لرنینگ همه سی, عموماً آلیب قره گنده انسان لرنینگ قیین چیلیک لری اورنی گه شخصی منفعت لر گه اهمیت بیریلیشی دن کیلیب چیقماقده. یوقاریده بحث ایتیلگن فلمده یخشی و یمان رولده گی اوینچی لر امریکا ده ایچکی اوروش لر جریانیده اوز منفعت لری اوچون کوره ش آلیب باررایکن (یعنی آلتین لر نی قول گه کریتیش گه حرکت ایترایکن), امریکا خلقی ایسه اوز لری نی اوشبو یمان وضعیت دن نجات بیریش گه حرکت ایتماقده ایدی. بونگه اوخشش بیر شکلده حاضرگی کونده سوریه ده بولگن لیگی دیک دنیا نینگ مهم بیر قسمیده انسان لر کتته قیین چیلیک لر گه دوچ کیلیب قالرایکن, ایریم تمان لر ایسه چناق قلعه اوروش لری نینگ ۱۰۰ نچی ییل لیگی دایره سیده اوز منفعت لری نی قول گه کریتیش گه حرکت ایتماقده.
قیسقه قیلیب ایتگنده, هر ییل اپریل آیی نینگ ۲۴ نچی کونیده سوزده ارمنی قیرغینی پروپاگندی یمان بیر خبر دن عبارت ایکن, ایریم اولکه لر و تشکیلات لرنینگ اوشبو یولدن اوز مقصد لری گه نایل بولیش گه انتیلیش لری ینه ده یمانراق بیر وضعیت نی تشکیل ایتماقده. بونگه قره مسدن, اوتمیش ده گی درد لر و قیین چیلیک لر گه مشترک و منطقی بیر ییچیم یولی نینگ تاپیلیشی گه تیگیشلی سعی و حرکت لرنینگ حمایه له نیتگن لیگی یخشی خبر لر دن عبارت البته که.