آگست آیی نینگ 30 نچی کونی یعنی غلبه بیرمی

هر ییل آگست آیی نینگ 30 نچی کونیده قیزغین کوتیب آلینیتگن غلبه بیرمی ترکیه جمهوریتی و شمالی قبرس ترک جمهوریتی نینگ ملی بیرمی نی تشکیل ایتماقده. غلبه بیرمی, میلادی 1922 نچی ییلی آگست آیی نینگ 26 نچی کونیده باشلب, آگست آیی نینگ 30 نچی کونیده دوملوپنار ده غازی مصطفی کمال اتاترک نینگ باش قوماندان لیگی ده غلبه قازانیلگن کتته تعرض نینگ یاد ایتیلیشی بیرمی دن عبارت. اشغالچی کوچ لرنینگ کیین چه لیک اولکه نی ترک ایتگن بولیشی گه قره مسدن, آگست آیی نینگ 30 نچی کونی سمبولیک بیر شکل ده اولکه توپراق لری نینگ قیتریلیب آلینگن کون اوله راق قبول ایتیلماقده.
بیرینچی دنیا اوروشی آرتیدن عثمانلی دولتی بیلن ائتلاف دولت لر آره سیده میلادی 1918 نچی ییلی اکتوبر آیی نینگ 30 نچی کونیده امضالنگن تینچ لیک معاهده سی نینگ اساسی هدفی ترک توپراق لری نینگ بتونلی اشغال ایتیلیشی دن عبارت ایدی. میلادی 1920 نچی ییلی آگست آیی نینگ 10 نچی کونیده ینه عثمانلی دولتی بیلن ائتلاف دولت لری آره سیده امضالنگن سَور معاهده سی ده هم ترک ملتی نینگ یوق ایتیلیشی گه سبب بوله دیگن شرایط مطرح ایتیلگن ایدی. بیرینچی دن, عثمانلی اردوسی اوز قورال لری نی ییر گه قویش گه مجبور ایتیلدی. کیین چه لیک ایسه, ترک توپراق لری اشغال ایتیلیب باشلندی. خودی منه شو دور نینگ اوزی ده ترک حدود لری ده مقاومت و عصیان لر هم باشلب کیتدی. اشغال گه قرشی اوشبو مقاومت لر مصطفی کمال اتاترک باشچی لیگی ده بیر قوتیلیش اوروشی گه ایله نیب قالدی. ترک ملتی مصطفی کمال اتاترک باشچی لیگی ده باشله تیب یوبارگن ایرکین لیک کوره شی بیلن خودی منه شو معاهده نی هیچ بیر شکل ده قبول ایتمیدیگن لیگی نی بتون دنیا گه کورسه تیب بیردی.
میلادی 1919 نچی ییلی می آیی نینگ 19 نچی کونیده مصطفی کمال اتاترک نینگ سامسون گه باریب باشله تیب یوبارگن ایرکین لیک کوره شی, قیسقه بیر مدت مابینیده ساغلام بیر ملی حرکت گه ایله نیب کیتدی. میلادی 1920 نچی ییلی اپریل آیی نینگ 23 نچی کونیده ترکیه بیوک ملت مجلسی نینگ آچیلیشی بیلن اولکه رهبریتی نینگ خلق گه تاپشیریلیشی, ملی کوره ش بوییچه موفقیت نینگ اینگ مهم فکتور لری دن بیری بولدی. وطن نینگ ایرکین لیگی نینگ دشمن گه قرشی بیر یقه دن باش چیقاریش گه باغلیق ایکن لیگی گه ایشانگن اوشبو مجلس, کوپلب مهم قرار لر بیررایکن, منظم بیر اردو قوریلیب ایلک مراتبه شرق ده ارمنی شبکه لری گه قرشی مهم موفقیت لر قول گه کریتیلدی. خودی منه شو موفقیت لر خلق نینگ روحیه سی نی یخشی لشتریب یوباررایکن, این اونو محاربه سی بیلن غرب ده هم یونان لیق لر گه قتتیق ضربه اوریلدی. میلادی 1921 نچی ییلی آگست آیی نینگ 23 نچی و سپتامبر آیی نینگ 12 نچی کون لری آره سیده گی ساکاریا میدان اوروشی بیلن یونان لیق لر مغلوب ایتیلدی.
ترک تاریخی جهتی دن اوته مهم اهمیت گه ایگه ساکاریا اوروشی ده غلبه قازانیلیشی بیلن کتته غلبه گه جوده هم یقین بولیب قالینگن ایدی. دشمن نینگ ترک توپراق لری دن اوزاق لشتریلیشی گه تیگیشلی تیارگرلیک جدل روشده دوام ایتماقده ایدی. تخریب بولیب قالگن توپ لر ترمیم ایتیلرایکن, مهمات تامین ایتیلیب, مخفی بیر شکل ده جنوب ده گی ترک حربی لری غرب ده گی جبهه لر گه انتقال ایتتریلدی. شوندای قلیب میلادی 1922 نچی ییلی آگست آیی گه قدر موضوع گه تیگیشلی برچه تیارگرلیک لر تکمیل بولدی.
باش قوماندانی مصطفی کمال اتاترک دن عبارت اردو, میلادی 1922 نچی ییلی آگست آیی نینگ 26 نچی کونیده دشمن گه قرشی تعرض قلیب بیر ساعت دیک قیسقه بیر مدت مابینیده دشمن نینگ موضع لری نی قول گه کریتدی. آگست آیی نینگ 30 نچی کونیده محاصره ایتیلگن دشمن کوچ لری مغلوبیت گه اوچره تیلدی. اوشبو اوروش مصطفی کمال اتاترک باشچی لیگی ده بولگن لیگی اوچون باش قوماندان لیق میدان اوروشی اوله راق قبول ایتیلدی. اوشبو کتته تعرض نینگ موفقیت بیلن تکمیل بولیشی آرتیدن قاچگن دشمن حربی لری ایزمیر گه قدر تعقیب ایتیلرایکن, میلادی 1922 نچی ییلی سپتامبر آیی نینگ 9 نچی کونیده ایزمیر نینگ هم قوتقریلیشی کیتیدن یورتی میز نینگ برچه قسم لری یاو لر دن تصفیه ایتیلگن بولدی.
ترک لرنینگ ایرکین لیک کوره شی بوییچه اوشبو موفقیتی آرتیدن سَور معاهده سی هیچ قچان تطبیق ایتیلمه دی. شوندای قلیب اوشبو ینگی لیک آرتیدن میلادی 1923 نچی ییلی جولای آیی نینگ 23 نچی کونیده امضالنگن لوزان معاهده سی تطبیق ایتیلیب باشلندی.
ترک ملتی نینگ باتورلیگی نی دنیا گه کورسه تیب بیریشی جهتی دن جوده هم کتته اهمیت گه ایگه آگست آیی نینگ 30 نچی کونی غلبه سی, هر ییل ملی بیر بیرم اوله راق قیزغین کوتیب آلینیب کیلینماقده.
ترک خلقی نینگ اردو بیلن بولگن علاقه لری و عسکرلیک فکری کوپلب خلق لر دن فرقلی بیر خصوصت گه ایگه. ترک فرهنگی و تاریخی ده عسکرلیک نینگ اوزی گه خاص بیر اهمیت گه ایگه ایکن لیگی بیلینماقده. حاضرگی کونده عسکرلیک ایرکک لر اوچون قلینیشی مجبوری بولگن بیر خدمت دن عبارت. عینی دمده خلق ایچی ده عسکرلیک کونگللی بیر شکل ده قلینه دیگن و قلینمس لیگی تقدیرده, کمچیلیک حس ایتیلگن بیر خدمت نی تشکیل ایتماقده. اوشبو مفکوره دایره سیده ترکیه ده عسکرلیک گه کیته دیگن یاش لر توی شکلی ده گی کتته مراسم لر بیلن عسکرلیک گه جونه تیلماقده. ایرکک لر, عسکرلیگی نی بیتریشی کیتیدن اویله نیب ایش گه باشلیدی. عسکرلیک قیلمه گن بیر یاش باله نینگ اوز حیاتی نی دوام ایتتره آله دیگن تجربه گه ایمس لیگی قبول ایتیلماقده. اوشبو فرهنگ دایره سیده, ترکیه قوراللی کوچ لری نینگ منسوب لری هم اینگ مهم کیشی لر اوله راق کورینماقده.
قیسقه قلیب ایتگنده, ترکیه ده اردو و ملت آره سیده گی علاقه لر دایره سیده, هر ییل آگست آیی نینگ 30 نچی کونیده غلبه بیرمی ترک ملتی تمانیدن قیزغین کوتیب آلینماقده.