اسلام عالمی ده گی قیین چیلیک لر
مقدس اسلام دینی و مسلمان لرنینگ اعتباری, اسلام عالمی نینگ اینگ مهم موضوع لری دن بیری نی تشکیل ایتماقده. مسلمان بولمه گن جای لر ده اسلام و مسلمان لر بیلن علاقه لی ایجابی فکر لرنینگ موجود ایکن لیگی دیک, افسوس که ایریم منفی مفکوره لرنینگ هم موجود ایکن لیگی کورینماقده. شوندای قلیب غرب ده اسلام و مسلمان لرنینگ تینچ لیک سیور و یاردم ایتوچی بیر ارزش گه ایکن لیگی نی قبول ایتیتگن تمان لرنینگ موجود ایکن لیگی دیک, افسوس که تروریست یاکه یمان ایکن لیگی نی اویلیتگن تمان لر هم موجود. اوشبو مفکوره لرنینگ بیرینچی سی توغری ایکن, ایککینچی ایسه ناتوغری بیر مفکوره دن عبارت.
مقدس اسلام دینی, تینچ لیک, قرداش لیق, یاردم له شیش, مهمان دوست لیک و شفقت سنگری ارزش لر گه ایگه بولیب مسلمان لرنینگ خودی منه شو ارزش لر گه اویغون اوله راق حرکت ایتیشی نی طلب ایتماقده. مسلمان لرنینگ اوتگن آی ده گی مبارک رمضان آیی اوشبو موضوع بیلن علاقه لی اینگ مهم مثال نی تشکیل ایتماقده. مسلمان لر اوشبو آی ده فقط گینه روزه توتمه گن لر, عینی دمده اجتماعی اوز ارا همکارلیک بوییچه اوته مهم فعالیت لر آلیب بارگن. مقدس اسلام دینی نینگ اساسی هدفی, انسان لرنینگ قیین چیلیک لری نینگ ییچیلیشی و درد لری گه مرهم بولیش دن عبارت. اوشبو دایره ده مقدس اسلام دینی ده, بای کیشی لرنینگ قششاق لر گه زکات, فطر و باشقه صدقه شکل لری بیلن یاردم ایتیش لری بیوریلگن. عینی دمده ظلم گه دوچ کیلیب قالگن کیشی لرنینگ جان و مال لری نینگ قوتقریلیشی اوچون تدبیر لر نینگ آلینیشی هم امر ایتیلگن وضعیت ده. مقدس اسلام دینی دایره سیده اوتمیش ده و حاضرگی کونده قششاق وضعیف ده گی کیشی لرنینگ قورینیشی اوچون موسسه لرنینگ قوریلگن لیگی کورینماقده.
کوپلب مثال لری موجود بولگن اسلامی ارزش لرنینگ حاضرگی کونده افسوس که ایسدن چیقاریلیتگن لیگی کورینماقده. ایریم اسلام جغرافیه لری ده اوشبو ارزش لرنی پایمال ایتیتگن بعضی سوزده مسلمان لر و تشکیلات لر پیدا بولیب قالگن وضعیت ده. اسلام دنیا سی نینگ اینگ مهم معما لری دن بیری البته که اوشبو کیشی و تشکیلات لرنینگ ناتوغری حرکت لری دن عبارت. خودی منه شو موضوع بوییچه جهاد قلیتگن لیک لری نی ادعا ایتیتگن تشکیلات لر اینگ مهم مثال لر نی تشکیل ایتماقده. مثال قلیب آلگنده بوکوحرام, القاعده و داعش سنگری ایریم تشکیلات لرنینگ قلیتگن ایش لری مقدس اسلام دینی گه ضرر بیرماقده. خودی منه شو تشکیلات لر مقدس اسلام دینی نینگ قوراللی فعالیت لر و قیرغین لر بیلن قورینیب توسعه ایتیشی نینگ ممکن ایکن لیگی نی بلدرماقده. بوکوحرام نینگ مسلمان قیز لر نی تحصیل آلیش لری نینگ حرام ایکن لیگی ادعا سی بیلن آلیب قاچیریتگن لیگی, القاعده نینگ کافر لر و اولرنی حمایه لیتگن تمان لرنی جزالنتریش ادعا سی بیلن معصوم انسان لرنی اولدیریتگن لیگی و داعش نینگ مذهب چیلیک اوچون مسلمان لرنی اوق گه توتیب اولدریتگن لیگی اوشبو موضوع بیلن علاقه لی اینگ مهم مثال لر نی تشکیل ایتماقده. اوشبو عمل لر نینگ همه سی اسلام عالم لری تمانیدن فکر بیرلیگی بیلن قلینمس لیگی کیره ک ایکن لیگی نی بلدرگن عمل لر دن عبارت. اسلام گه ضد بولگن اوشبو عمل لرنینگ مسلمان لرنینگ تروریست شکلی ده معرفی ایتیلیشی گه سبب بولیتگن لیگی کورینماقده. شوندای قلیب اوشبو عمل لر دنیا ده اسلام گه قرشی بیر مفکوره نینگ تشکیل بولیشی بوییچه رول اوینرایکن, اسلام نینگ درک ایتیلیب قبول ایتیلیشی گه ایسه قتتیق ضربه اورماقده.
اسلام گه ضرر بیریتگن اوشبو تشکیلات لر قییردن پیدا بولماقده؟ اوشبو تشکیلات لر اسلام نی یخشی بیلمیدی می, یاکه اسلام توغری سیده باشقه چه تحلیل لری بار می؟ عینی دمده مقدس اسلام دینی نینگ اعتباری گه ضرر بیره دیگن فکتور لر نی قوییده گیچه ایسله تیب اوتیشی میز ممکن.
بیرینچی دن اوشبو تشکیلات لر موجود معما لرنینگ خشونت و افراطی لیک بیلن ییچیلیشی نینگ ممکن ایکن لیگی نی اویله ماقده. قرآن کریم و حدیث لر نی متن شکلی ده تطبیق ایتیش گه حرکت ایته دی لر. اسلام و بیوروق لری نینگ فقط گینه تحلیل ایتیلیب تطبیق ایتیلیشی نینگ ممکن ایکن لیگی نی رد ایتماقده. شوباعث, موجود دور نینگ شرایطی گه قره مسدن, قرآن کریم ده ذکر ایتیلگن کافر لر نی کورگن جایینگیز ده اولدیرینگ سنگری امر لر نی تطبیق ایتیش گه حرکت ایته دی لر. شونینگ اوچون, حاضرگی کونده اوشبو تشکیلات لر خودی منه شو هدف لری نی قول گه کریتیش اوچون قوراللی میتود لر دن استفاده ایتیش گه حرکت ایتماقده.
ایککینچی اوله راق حاضرگی کونده ملی و خلق ارا مقیاس ده گی ایریم منفی ینگی لیک لر اوشبو حرکت لرنی تشویق ایتماقده. اینیقسه اسلام عالمی ده گی معما لر, اشغال لر, حق سیزلیک لر, باسیم لر و دوام ایتیب کیلیتگن بحران لر خودی منه شو تشکیلات لر نینگ فعالیت لری اوچون یخشی امکانیت لر تامین ایتیب بیرماقده. امریکا قوشمه ایالت لری نینگ عراق و افغانستان نی اشغال ایتگن لیگی, اسرائیل نینگ فلسطین نی اشغال ایتیب قیرغین فعالیت لری آلیب بارگن لیگی, بوزنیا اوروشی جریانی ده یوزمینگ لب مسلمان بوزنیا لیک نینگ اولدیریلیشی غرب گه قره تیلگن عکس العمل میزانی نی آرتریب یوبارگن وضعیت ده. عینی دمده اسرائیل نینگ هیچ بیر شکل ده توخته تیله آلمیتگن قیرغین لری نینگ فلسطین ده دوام ایتیب کیلیتگن لیگی نینگ خشونت تمایلی نی ینه ده آرتریب یوبارگن لیگی کورینماقده.
اوچینچی موضوع ایسه, اوشبو تشکیلات لرنینگ غربی میدیا واسطه لری نینگ بیر خام موادی گه ایله نیب قالگن لیگی کوز گه تشلنماقده. اسلام گه مخالف بولگن ایریم نشراتی اورگان لر اوشبو تشکیلات لر خصوصیده مبالغه قیلماقده. اوشبو مبالغه بیر تماندن اسلام نینگ اعتباری گه ضرر بیررایکن, باشقه بیر تماندن ایسه بوندای حرکت لرنینگ میزانی نینگ آرتیب کیتیشی گه سبب بولماقده. اوشبو تشکیلات لر ایسه, خشونت بیلن اوز کوچی نی آرتریب یوباره دیگن لیگی نی اویله ماقده.
خودی منه شو تشکیلات لر, مقدس اسلام دینی نینگ, شفقتلی, تینچ لیک سیور, یاردم سیور و یخشی لیق گه طرفدار ایکن لیگی نی هیچ بیلمیدی یاکه جوده هم آز عکس ایتتره دی اسلام نینگ اوشبو خصوصیت لری نی. شوندای قلیب اسلام نینگ اعتباری بیلن علاقه لی معما فقط گینه مسلمان لرنینگ ایمس, عینی دمده یخشی بیر نیت گه ایگه بولمه گن غربی لرنینگ هم بیر معما سی دن عبارت. غربی دولت لر و میدیا نینگ اسلام اولکه لری ده گی معما گه اهمیت بیرمیتگن لیگی یاکه بحرانی وضعیت لر نی ینه ده بحرانی لشتریش گه حرکت ایتیشی, مذکور تشکیلات لرنینگ فعالیت لری نینگ آرتیب کیتیشی گه سبب بولماقده.
