ترکیه ده جمهوررئیس لیگی سیلاو لری

ترکیه ده جمهوررئیسی نینگ سیله نیشی بیلن علاقه لی پروسه اوچ کیشی نینگ کاندید لیگی نینگ انیق بولیشی آرتیدن جولای آیی نینگ ۳ نچی کونیده رسماً باشلب کیتگن بولدی. اوشبو سیلاو لر جریانی ده قدرت ده گی عدالت و توسعه حزبی نینگ کاندیدی و ترکیه جمهوریتی نینگ باش وزیری رجب طیب اردوغان, جمهوریت خلق و ملیتچی حرکت حزب لری نینگ مشترک کاندیدی اکمل الدین احسان اوغلی و خلق لر نینگ دموکراسی سی حزبی نینگ کاندیدی صلاح الدین دیمیرتاش اوز ارا رقابت ایته دی. خودی منه شو سیلاو لرنینگ ایلک روندی آگست آیی نینگ ۱۰ نچی کونیده بولیب اوترایکن, ایلک روند ده هر قندای بیر کاندید نینگ کیره ک لیک مقیاس ده رای آله آلمس لیگی تقدیرده, خودی منه شو آی نینگ ۲۴ نچی کونیده ایسه سیلاو لرنینگ ایککینچی روندی بولیب اوته دی. شوندای قلیب اوشبو سیلاو لر نتیجه سیده ترکیه ده ایلک مراتبه بیر جمهوررئیسی بیواسطه خلق نینگ رایی بیلن سیلنگن بوله دی.
کاندید لرنینگ کیم لر دن عبارت بوله دیگن لیک لری گه تیگیشلی اوزاق بیر مدت بحث ایتیلدی. اوپوزسیون و اقتدار ده گی حزب نینگ کیم نی کاندید قلیب کورسه ته دیگن لیگی و خلق لرنینگ دموکراسی سی حزبی نینگ کاندید کورسه ته دیگن لیگی یاکه کورستمیدیگن لیگی توغری سیده باش قاتریلماقده ایدی. اینیقسه اوپوزسیون نینگ مشترک کاندیدی نینگ کیم دن عبارت بوله دیگن لیگی و باش وزیر اردوغان نینگ کاندید بولیب بولمیدیگن لیگی اینگ مهم موضوع لر دن بیری نی تشکیل ایتماقده ایدی. جمهوریت خلق و ملیتچی حرکت حزب لری نینگ اوز ایچی دن بیر کاندید کورستمسدن, مشترک بیر کاندید نی قبول ایتگن لیگی و باش وزیر اردوغان نینگ کاندید لیگی گه مخالفت ایتیتگن لیک لری جوده هم قیزیق بیر موضوع نی تشکیل ایتماقده ایدی.
نتیجه ده کاندید لر معلوم بولیب اوشبو کاندید لر اوز سیلاو کمپاین لری نی باشله تیب یوباردی. شوندای قلیب کاندید لر کمپاین لری دایره سیده اوز هدف لری و پلان لری نی خلق گه توشینتریب بیرماقده. باش وزیر اردوغان, اوز کمپاین لری نی میلادی ۱۹۱۹ نچی ییلی ده قوتیلیش اوروشی نینگ باشلب کیتگن سامسون و ارضروم ده خلق گه قره ته معروضه قلیب باشله تیب یوباررایکن, احسان اوغلی ایسه یوزغات ده و استانبول ده ینه ده کیچیگیراق بیر ساحه ده خلق بیلن صحبت ایتیب باشله تیب یوباردی اوز سیلاو کمپاین لری نی. صلاو الدین دیمیرتاش نینگ ایسه دیاربکر ده بیر افطار پروگرامی بیلن باشله تیب یوبارگن لیگی کورینماقده اوز کمپاینی نی. ایندی شوندای قلیب اردوغان نینگ و دیمیرتاش نینگ ینه ده کینگ بیر ساحه ده و احسان اوغلی نینگ ایسه تار بیر ساحه و قسماً میدیا واسطه سی بیلن اوز پلان لری نی توشینتریب بیریش گه حرکت ایته دیگن لیگی کورینماقده.
کاندید لرنینگ فعالیت لری گه قره گنده ترکیه ده قیزیق بیر سیلاو پروسه سی نینگ دوام ایتیتگن لیگی کوزگه تشلنماقده. بیرینچی دن ترکیه ده پارلمنتر بیر سیستم نینگ حاکم بولیشی گه قره مسدن, اوشبو سیلاو لرنینگ دولت رهبرلیگی سیلاو لری کبی بولیب اوته دیگن لیگی کورینماقده. شوندای قلیب ترک تبعه لری اوز لری و اولکه نینگ احتیاج لری نی تامین ایته آله دیگن بیر رهبر نی اوز رای لری بیلن سیله گن بوله دی. اوشبو موضوع بیلن علاقه لی اینگ مهم خصوص کاندید لرنینگ سیاسی اوتمیشی, پروژه لری و سیاست لری خصوصیده معلومات ایگه سی بولیش دن عبارت. رای بیره دیگن کیشی لرنینگ کاندید لر حقیده انیق معلومات لر گه ایگه بولیش لری اینگ مهم و دموکراتیک حق لر دن بیری نی تشکیل ایتماقده. خودی منه شو موضوع بیلن علاقه لی اینگ مهم یول ایسه, کاندید لرنینگ سیلاو کمپاین لری جریانی ده اوز لری نی جوده یخشی بیر شکل ده توشینتریب بیریش لری دن عبارت. اوشبو جهت دن آلیب قره گنده, اردوغان, احسان اوغلی و دیمیرتاش آره سیده جدی بیر فرق نینگ موجود ایکن لیگی نی ایسله تیب اوتیشی میز ممکن. اوشبو فرق کاندید لرنینگ سیاسی شخصیتی, اعتباری و اوتمیش ده گی فعالیت لری دن کیلیب چیقماقده.
ایندی کیلینگ اوشبو کاندید لر نینگ اوتمیشی حقیده معلومات ایگه سی بولی لیک عزیز دوست لر.
باش وزیر اردوغان, کیچیک لیگی دن بیری سیاست نینگ ایچی ده بولیب کیلگن, ۱۲ ییل دن بیری ترکیه جمهوریتی نینگ باش وزیری بولیب کیلیتگن و همه تمانیدن تانیلگن ریفورمیست بیر رهبر دن عبارت. اکمل الدین احسان اوغلی مصر ده دنیا گه کیلگن ترک تبعه سی, بیلیم تاریخی پروفیسری, اسلام همکارلیک تشکیلاتی نینگ سابق باشلیغی, خلق ارا بیر باشقروچی, سیکیولاریزم و مدرن له شیش گه طرفدار بیر بیروکرات و مصر ده گی السیسی کودتا سی گه قرشی هیچ قندای بیر عکس العمل کورستمه گن بیر سیاستچی دن عبارت. صلاوالدین دیمیرتاش نینگ ایسه ترکیه ده گی کُرت سیاستی نینگ اینگ مهم شخصیت لری دن بیری, خلق لرنینگ دموکراسی سی حزبی نینگ تینگ باشلیغی, پی کاکا ترور تشکیلاتی نینگ باشلیغی اوجالان بیلن یقین ارتباط ده بولگن بیر سیاستچی و ترکیه نینگ ایچکی و تشقی سیاستی گه افراطی بیر شکل ده مخالفت ایتیتگن بیر کیشی دن عبارت ایکن لیگی کورینماقده.
اصلی گه قره گنده کاندید لرنینگ اوتمیشی جوده قیزیق بیر وضعیت نی عکس ایتترماقده. اردوغان, ترکیه نینگ ۱۰۰ ییل لیق اسلامچی و محافظه کار تمان لری دن نماینده لیک ایترایکن, احسان اوغلی ایسه ۱۰۰ ییل لیق سیکیولاریزم و مدرنیزم طرفداری کیشی لر دن نماینده لیک ایتماقده. دیمیرتاش نینگ ایسه ۱۰۰ ییل دن بیری دوام ایتیب کیلیتگن کُرت مخالف حرکت لری دن نماینده لیک ایتیتگن لیگی کوزگه تشلنماقده. اوشبو جهت دن آلیب قره گنده خودی منه شو سیلاو نی ترکیه نینگ ۱۰۰ ییل لیق سیاسی, اجتماعی و فرهنگی تاریخی نینگ بیر محاسبه سی اوله راق بهالنتریشی میز ممکن. باشقه بیر تماندن ایسه اوشبو سیلاو لر دایره سیده جمهوریت تیزیمی نینگ اساسچی سی سیکیولار و مدرنیست بیر آیدیولوژی بیلن, ۱۰۰ ییل دن بیری اوشبو سیستم گه قرشی مخالفت ایتیب کیلیتگن دینی و ایتنیکی مفکوره اوز ارا رقابت ایته دی.
باشقه بیر تماندن ایسه, اوشبو سیلاو لر نتیجه سیده ترکیه ده خلق نینگ ۱۰۰ ییل لیق بیر مدت کیتیدن قندای بیر سیستم گه طرفدار ایکن لیگی کورینیب قاله دی. شوندای قلیب خلق فقط گینه جمهوررئیسی نی سیله میدی, عینی دمده قندای بیر سیستم گه طرفدار ایکن لیگی نی هم کورسه تیب بیره دی اوشبو سیلاو لر نتیجه سیده.
نتیجه ده جمهوررئیس لیگی سیلاو لری, ترکیه نینگ کیله جک ده گی رهبرلیک شکلی نینگ قندای بوله دیگن لیگی نی کورسه تیب بیره دی. باش وزیر اردوغان, بیر ریاستی سیستم نی ایما ایترایکن, جمهوریت خلق و ملیتچی حرکت حزب لری پارلمنتر سیستم گه طرفدار لیک بلدرماقده. خلق لر نینگ دموکراسی سی حزبی ایسه فدرال بیر سیستم نینگ حاکمیتی گه طرفدار لیک بلدرماقده. شوندای قلیب اوشبو سیلاو دایره سیده خلق نینگ اوزی خودی منه شو سیستم لر دن بیری نی ترجیح ایتگن بوله دی.