ترکیه و دنیا نینگ مهم مسئله لری ۷۵

اوتگن هفته ده بولیب اوتگن اوروپا پارلمانی سیلاو لری جوده قیزیق بیر نتیجه گه سبب بولدی. خودی منه شو سیلاو نتیجه سیده, اوروپا ده افراطی و ارقچی راست گرا حزب لرنینگ رای میزانی نینگ آرتیب کیتگن لیگی کوریندی. اینیقسه فرانسه, انگلستان, دنمارک, آلمان, یونان و هالند کبی اولکه لر ده بوندای بیر نتیجه نینگ کورینگن لیگی کوزگه تشلندی. فرانسه ده ملی جبهه, انگلستان ده UKIP, دنمارک ده دنمارک خلق حزبی و یونان ده ایسه سیریزا رای لر نینگ تورت دن بیر قسمی نی کسب ایتیش گه موفق بولدی. شوندای قلیب ۷۵۱ کرسی گه ایگه اوروپا پارلمانی ده, اوروپا خلق گروپی ۲۱۲, سوسیالست لر ۱۸۶, لیبرال لر ۷۰ و یاشیل لر نینگ ۵۵ کرسی کسب ایتگن لیگی کوریندی. باشقه کرسی لرنینگ ایسه گروپی بولمه گن افراطی راست گرا و ارقچی حزب لرتمانیدن کسب ایتیلگن لیگی کوزگه تشلندی.
افراطی راست گرا و ارقچی حزب لرنینگ کوتیلگن مقیاس دن آرتیغراق رای کسب ایتگن لیگی, اوروپا پارلمانی و اوروپا بیرلیگی نینگ کیله جگی جهتی دن خواطر گه سبب بولیب کیتدی. اوروپا بیرلیگی گه قره ته جدی مخالفت لرنینگ موجود ایکن لیگی بیلینماقده ایدی. براق بو طریقه یوکسک مقیاس ده ایکن لیگی انیق ایمس ایدی. فرانسه باش وزیری مانویل والس نینگ ایتگن لیگی دیک, اوشبو وضعیت اوروپا نی قتتیق بیر شکل ده حیرت لنتریب قویدی. ایندی ایسه اوروپا بیرلیگی طرفدار لری اوشبو وضعیت نینگ نیمه معنی گه کیله دیگن لیگی نی درک ایتیش گه حرکت ایتماقده. شوندای قلیب نیمه اوچون راست گرا لر نینگ رایی نینگ آرتیب کیتگن لیگی و ییچیم یولی نینگ نیمه دن عبارت ایکن لیگی خصوصیده بحث ایتیلماقده.
اوشبو وضعیت نی درک ایتیش اوچون بیرینچی دن اوروپا پارلمانی سیلاو لری نینگ معنی سی و اهمیتی نی توشینیب آلیش کیره ک. اوروپا پارلمانی سیلاو لری ایلک مراتبه میلادی ۱۹۷۹ نچی ییلی ده بولیب اوتگن ایدی. اوتگن هفته ده بولیب اوتگن سیلاو لر ایسه ۸ نچی اوروپا پارلمانی سیلاو لری دن عبارت ایدی. خودی منه شو شو سیلاو اوروپا بیرلیگی نینگ اتفاقی جهتی دن اوزی گه خاص بیر اهمیت گه ایگه. اوروپا بیرلیگی نینگ قانون چیلیک بولیمی نی تشکیل ایتیتگن اوروپا پارلمانی نینگ اوروپا کینگشی و کمیسیونی گه قالدیریتگن تاثیری کونساین آرتیب بارماقده. اوروپا بیرلیگی نینگ کینگییشی و کوچی نینگ آرتیب کیتیشی بیلن علاقه لی قرار لرنینگ همه سی نینگ اوروپا پارلمانی تمانیدن تصدیق له نیشی کیره ک. اوشبو جهت دن آلیب قره گنده اوروپا پارلمانی نینگ اینگ مهم ایککی وظیفه سی نینگ موجود ایکن لیگی کورینماقده.
بیرینچی دن, اوروپا پارلمانی اوروپا بیرلیگی نینگ اینگ یوقاری قانون چیلیک اورگانی نی تشکیل ایتماقده. برچه اوروپا لیک لر نامیدن قانون چیلیک و بونینگ بیلن علاقه لی وظیفه لر نی بجرماقده. اوروپا نینگ سیاست لری نی تعین ایتماقده. اوشبو جهت دن آلیب قره گنده ملی پارلمان لر گه هم تاثیر قالدیریتگن لیگی کورینماقده. خودی منه شو وضعیت نینگ اوزی اوروپا ده سیاسی بیر بیر لیک نینگ تامین ایتیلیشی اوچون مهم بیر موضوع نی تشکیل ایتماقده.
ایککینچی دن, اوروپا پارلمانی, اوروپا بیرلیگی سیاستی نی انیق لشترماقده. اوروپا نینگ سیاستی, اوروپا بیرلیگی نینگ باشقه اولکه لری بیلن بولگن علاقه لری و اعضالیک مذاکره لری بوییچه اوزی گه خاص رول اوینه ماقده. مثال قلیب آلگنده ترکیه سنگری انیق اوروپا بیرلیگی اعضالیگی بوییچه مذاکره آلیب باریتگن اولکه لرنینگ وضعیتی اوروپا پارلمانی نینگ قراری گه باغلیق. اوروپا پارلمانی نینگ, ترقتیتگن قرار لر و راپور لری بیلن ترکیه گه تاثیر قالدیریتگن لیگی کورینماقده. عینی دمده وقتی کیلگنده اوروپا پارلمانی نینگ, ترکیه نینگ اوروپا بیرلیگی گه انیق اعضا ایتیب قبول ایتیلیشی بوییچه هم رول اوینیدیگن لیگی کوزگه تشلنماقده.
شوندای قلیب اوروپا پارلمانی نینگ ساختمانی اوروپا بیرلیگی نینگ کیله جگی جهتی دن اوزی گه خاص بیر اهمیت گه ایگه. تیوریک جهت دن آلیب قره گنده, اوروپا پارلمانی نینگ, اوروپا بیرلیگی نینگ کینگییشی و اوشبو بیرلیک نینگ کوچی نینگ آرتریلیشی بوییچه سعی و حرکت ایتیشی کیره ک. اوتگن دور لر ده عموماً آلیب قره گنده شوندای بولگن ایدی. براق, سونگگی سیلاو لر نینگ نتیجه لری اوروپا پارلمانی نینگ اوشبو خصوصیتی نی قول دن بیریب قویشی نینگ ممکن ایکن لیگی نی کورستماقده. ینگی سیلنگن افراطی راست گرا و ارقچی حزب لر و پارلمنتر لر, اوروپا بیرلیگی و اوشبو بیرلیک نینگ کینگییشی گه جدی معنی ده مخالف. انیق روشده اوشبو تمان لر اوروپا بیرلیگی نی رد ایترایکن, اعضا اولکه لر بیلن بولگن علاقه لرنینگ چیگره لنتریلیشی کیره ک ایکن لیگی نی بلدرماقده. باشقه بیر تماندن ایسه اوشبو تمان لر اوروپا بیرلیگی نینگ کینگییشی گه مخالفت ایتیتگن لیک لری دیک, ترکیه نینگ اوروپا بیرلیگی اعضالیگی گه هم مخالفت ایتیتگن لیک لری کورینماقده. شوندای قلیب سونگگی سیلاو لرنینگ ترکیه نینگ اوروپا بیرلیگی اعضالیگی پروسه سی نی قیین لشتریب قویگن لیگی نی ایسله تیب اوتیشی میز ممکن. اوشبو تمایل نینگ آرتیب کیتیشی تقدیرده, اوروپا بیرلیگی و ینگی اعضالیک پروسه سی نینگ قتتیق بیر شکل ده متضرر بوله دیگن لیگی نی معلوم قلیشی میز ممکن.
سیلاو لر ده افراطی راست گرا و ارقچی لرنینگ رای میزانی نینگ نیمه اوچون آرتیب کیتگن لیگی انیق. اوشبو سبب لر دن اینگ مهم لری, دوام ایتیتگن اقتصادی بحران, اوروپا بیرلیگی نینگ تشقری سی دن کیلگن مهاجر لر, ایش سیزلیک, کونساین آرتیب باریتگن اسلاموفوبی, انتی سیمیتیزم و موجود رهبر لرنینگ آلیب باریتگن سیاست لری دن عبارت. میلادی ۲۰۰۶ نچی ییلی دن بیری باسقیچ مه باسقیچ پیدا بولیب قالگن اوشبو معما لر, اوروپا بیرلیگی و اونگه باغلیق اورگان لر گه تیگیشلی مفکوره گه منفی تاثیر قالدردی. اوشبو موضوع بیلن علاقه لی ترکیه نینگ انیق اعضالیگی گه تیگیشلی پروسه نی مثال قلیب کورسه تیش ممکن. حتی اوروپا بیرلیگی ده گی ینگی لیک لرنینگ اینگ اساسی سببی نینگ ترکیه و اوروپا بیرلیگی اعضالیگی پروسه سی دن عبارت ایکن لیگی نی هم معلوم قلیشی میز ممکن. میلادی ۲۰۰۴ نچی و ۲۰۰۶ نچی ییل لری ده اوروپا بیرلیگی رهبر لری و جمعیتی ترکیه نینگ اوروپا بیرلیگی اعضالیگی گه طرفدار لیک بلدررایکن, میلادی ۲۰۰۷ نچی ییلی دن کیین کوتیلمه گن بیر شکل ده مخالفت ایتیب باشله گن لیک لری کورینماقده.
خودی منه شو اوزگریش بیلن علاقه لی آلمان ده مرکل و فرانسه ده ایسه سرکوزی نینگ سیاست لری نی مثال قلیب کورسه تیشی میز ممکن. اوشبو ایککی رهبر نینگ سیاست لری, افراطی راست گرا و ارقچی تمان لر و حزب لرنینگ جسارتی نی آرتریب یوباردی. ایککی رهبر اوروپا نینگ سیاسی و اقتصادی معما لری نی ییچه آلمه گن لیگی دیک, آلیب بارگن سیاست لری بیلن افراطی راست گرالیک و ارقچی لیک نینگ کوچی نینگ آرتیب کیتیشی گه هم سبب بولیب کیتدی.
اوشبو نقطه ده اوروپا جمعیتی و اوروپا بیرلیگی, جدی بیر وضعیت ده. شوندای قلیب یا خودی منه شو تمایل نینگ دوام ایتیشی بوییچه سیاست لر آلیب باریله دی یاکه, اوشبو وضعیت نینگ اداغگه ییتیشتریلیشی بیلن علاقه لی جدی تدبیر لر آلینه دی. موجود وضعیت نینگ دوام ایتیشی جوده خطرلیک بولیب اوروپا بیرلیگی نینگ ترقه لیب کیتیشی اوچون زمینه یره تیب بیره دی. خودی منه شو وضعیت ایسه, ایککی دنیا اوروشی دوری گه قیتیب باریش معنی سی گه کیله دی. براق, اوروپا بیرلیگی نینگ آیدین له نیش روحی نینگ حقیقت ایکن لیگی تقدیرده, اوشبو وضعیت نینگ اداغگه ییتیشتریلیشی اوچون کیره ک لیک تدبیر لر آلینه دی. یخشی نیت لیک اوروپا نینگ نادولت تشکیلات لری و سیاستچی لری, ارقچی لیک نینگ کمیتریلیشی و اوروپا بیرلیگی نینگ ینگی له نیشی اوچون کیره ک تدبیر لر نی آله دی. اوشبو اکتور لرنینگ قنچه لیک قرارلی یاکه کوچلی ایکن لیگی توغری سیده ایسه معلومات ایگه سی ایمس میز. وضعیت نینگ قندای بوله دیگن لیگی کیله جک ده معلوم بوله دی. باشقه بیر تماندن ایسه ترکیه نینگ اوروپا بیرلیگی ده گی ینگی لیک لر نی تعقیب ایتیب کیره ک لیک تدبیر لر نی آله دیگن لیگی نی ایسله تیب اوتیشی میز ممکن.