ترکیه و دنیا نینگ مهم مسئله لری 74

ترکیه جمهوریتی باش وزیری رجب طیب اردوغان, میلادی ۲۰۱۴ نچی ییلی می آیی نینگ ۲۴ نچی کونیده آلمان نینگ کولن شهری گه بیر کون لیک بیر سفر اویشتردی. اوشبو سفر نینگ آجندای سی ایککی مهم موضوع دن عبارت ایدی. بیرینچی سی اوروپا لیک ترک دموکرات لر بیرلیگی نینگ قوریلیشی نینگ ۱۰ نچی ییل لیگی, ایککینچی سی ایسه قریب ۱۸ مینگ کیشی لیک کولن ده گی لانکسیس آرینا ده آلمان ده یشیتگن ترک لر گه قره ته بیر معروضه قیلیش دن عبارت ایدی. عینی دمده کولن ده ایریم تمان لر باش وزیر اردوغان و اونینگ کولن گه قیلگن سفری گه ناراضی چیلیک بلدردی.
آلمان ده ۳ میلیون دن آرتیغراق ترک یشرایکن, ترکیه ده هم قریب ۸۰ مینگ آلمان لیک نینگ یشیتگن لیگی سببلی, ترکیه بیلن آلمان آره سیده گی علاقه لر عادی بیر خلق ارا علاقه لر دن عبارت ایمس. ایککی اولکه آره سیده گی جدی اجتماعی, اقتصادی, تجارتی, تاریخی, ستراتیژیک و علمی علاقه لر ترکیه بیلن آلمان نی بیر بیر لری گه باغلیق قلیب قویگن وضعیت ده. خودی منه شو ایککی تمانلمه اوله راق بیر بیر لری گه باغلیق بولیش نینگ ایککی تمان نینگ هم ایچکی رفاهی و برقرار لیگی گه تاثیر قالدیریش کوچی گه ایگه ایکن لیگی کورینماقده. اوشبو بیر بیر لری گه تاثیر قالدیریش کوچی نینگ ایریم پیت لر ده تمان لر آره سیده سیاسی رقابت و بحران لر گه هم سبب بولیب کیتیشی ممکن.
اوشبو جهت دن آلیب قره گنده ترکیه جمهوریتی باش وزیری رجب طیب اردوغان نینگ خودی منه شو سفری اوزی گه خاص بیر اهمیت گه ایگه. آلمان ده گی ایریم روزنامه لر و بعضی سیاسی حزب لر معلوم بیر مدت دن بیری گیزی پارکی حادثه لری سببلی عدالت و توسعه حزبی حکومتی و باش وزیر اردوغان نی قتتیق بیر شکل ده تنیقد ایتیب کیلماقده ایدی. آلمان جمهوررئیسی گاوک انقره ده بیرگن بیانات لری ده ترک دپلوماسی سی و حکومتی نی تنقید ایتگن ایدی. حتی آلمان ده گی ایریم مرکز لرنینگ ترکیه ده گی حادثه لر بوییچه تحریک ایتوچی حرکت لر قیلگن لیک لری گه تیگیشلی بعضی خبر لر ترقه تیلگن ایدی.
اردوغان نینگ کولن گه قیلگن سفری اساساً خودی منه شو تنقید لر گه قرشی بیر جواب دن عبارت ایدی. اردوغان آلمان ده قیلگن معروضه سی ده برچه تنقید لرنی رد ایتدی. ترکیه نینگ ایندی آلدینگی دیک ایمس لیگی نی ایسله تیب اوتدی. ایچکری و تشقری ده گی کبرلیک اکتور لرنینگ, ینگی ترکیه نینگ ایچکی ایش لری گه اره له شیشی نینگ ممکن ایمس لیگی نی معلوم قلدی. اردوغان اوشبو سوز لری بیلن اصلی گه قره گنده, اینیقسه گیزی پارکی حادثه لری, سوما معدن یانغینی آرتیدن و اینگ سونگ ایسه استانبول ده بولگن ناراضی چیلیک نمایش لری نی حمایه له گن ایچکی و تشقی تمان لر گه هوشدار بیرماقده ایدی.
ترکیه نینگ آلمان ایچی ده گی کوچی نی هم ایسدن چیقارمس لیک کیره ک. آلمان ده گی ترک لرنینگ برقرارلیگی اصلی گه قره گنده آلمان نینگ هم برقرارلیگی دن عبارت. اوشبو جمعیت نینگ آلمان ده اویغون لیق کورسه تیشی معلوم بیر مقیاس ده ترکیه ده گی حکومت لر گه باغلیق. شوباعث, آلمان باش وزیری انگیله مرکل باش وزیر اردوغان دن معتدل بیر سیاست آلیب باریشی نی طلب ایتگن ایدی. باش وزیر اردوغان اوشبو طلب نی قبول ایتیب, اوز صحبت لری جریانی ده مثبت نرسه لر توغری سیده بحث ایتدی. شوندای قلیب, باش وزیر اردوغان طرفدار لری و مخالف لری آره سیده بیر جنجال پیدا بولیب ایککی اولکه آره سیده گی علاقه لر گه ضرر بیره دیگن بیر معروضه قیلمه دی.
عینی دمده باش وزیر اردوغان ترکیه بیلن آلمان آره سیده گی همکارلیک لر باره سیده هم بحث ایتدی. اردوغان, ترکیه سیز اوروپا نینگ اوز برقرارلیگی نی اورنه تیشی نینگ ممکن ایمس لیگی نی ایسله تیب اوتدی. باش وزیر اردوغان آلمان ده گی ترک لرنینگ آلمان تیلی نی اورگه نیب آلیب آلمان ده گی شرایط گه ماس بیر شکل ده یشش لری کیره ک ایکن لیگی نی بلدررایکن, عینی دمده اوز فرهنگ لری نی هم اسره ب قالیش لری نینگ ضروری ایکن لیگی نی معلوم قلدی. بوندن تشقری اردوغان, مدنیت لر آره سیده گی همکارلیک لر توغری سیده هم بحث ایتدی. اوروپا ده گی اسلامفوبی, انتی سیمیتیزم و اِرقچی لیق خطری گه هم دقت قره تدی. اصلی گه قره گنده اوشبو صحبت لر ترکیه نینگ اوروپا بیرلیگی گه قره تیلگن سیاست لری نینگ خلاصه سی نی تشکیل ایتماقده ایدی.
اردوغان عینی دمده اوروپا بیرلیگی نی تنقید ایتدی. اینیقسه اوروپا بیرلیگی و غرب نینگ مصرده گی کودتا نی حمایه لش سیاست لری نینگ ناتوغری بیر حرکت دن عبارت ایکن لیگی نی بلدردی. ترکیه و باشقه اولکه لر ده گی دموکراسی نی تنقید ایتیتگن آلمان و اوروپا بیرلیگی اولکه لری نینگ, مصرده گی کودتا رهبریتی نی تنقید ایتمه گن لیگی گه دقت قره تدی. کودتاچی السیسی رهبریتی نینگ, اسما نامیده گی بیر قیز باله نی اولدریش بیلن دنیا ده بیلینیب قالگن قیرغین لری نینگ تنیقد ایتیلمه گن لیگی نی ایسله تیب اوتدی.
اوشبو سفر اردوغان نینگ سوزلری بیلن اهمیت گه ایگه بولیشی گه قره مسدن, اصلی گه قره گنده ترکیه بیلن آلمان آره سیده گی علاقه لر جهتی دن هم اوزی گه خاص بیر اهمیت گه ایگه. اردوغان, ترکیه بیلن آلمان آره سیده گی علاقه لرنینگ ایلغار و آز رواجلنگن اولکه لر آره سیده گی علاقه لر گه اوخشه مس لیگی کیره ک ایکن لیگی نی بلدردی. شوندای قلیب اردوغان, تمان لرنینگ بیر بیر لری گه تاثیر قالدیریش جهتی دن بیر بیر لری بیلن تینگ ایکن لیگی نی ایسله تیب اوتدی.
ترکیه بیلن آلمان نینگ بیر بیر لری دن واز کیچه آلمیدیگن اولکه لر دن عبارت ایکن لیک لری نی قبول ایتیش کیره ک. براق, اوشبو علاقه لرنینگ ایککی تمانلمه حرمت, تینگ لیک و یخشی بیر شکل ده درک ایتیش بیلن آرتریلیشی ضروری. خودی منه شو هدف نینگ قول گه کریتیلیشی نینگ اینگ مهم یولی ترکیه نینگ اوروپا بیرلیگی اعضالیگی پروسه سی نینگ تکمیل قلینیشی دن عبارت. ایریم سیاسی سبب لر بیلن حاضرگی کونده انیق اعضالیک نینگ بحث موضوعی بولمس لیگی گه قره مسدن, هیچ بولمه سه اوشبو پروسه نینگ توختب قالمس لیگی کیره ک. قریب ۷ ییل آلدین تمان لرنینگ قبول ایتگن و اردوغان تمانیدن بلدریلگن, "مدنیت لر آره سی دیالوگ" و "ترکیه سیز بیر اوروپا ممکن ایمس" ادعا لری نینگ کوچی نینگ آرتریلیشی ضروری بیر موضوع نی تشکیل ایتماقده. اوشبو موضوع فقط گینه اوروپا بیرلیگی یاکه آلمان اوچون ایمس, بلکه عینی دمده ترکیه و اردوغان اوچون هم بیر ضرورت دن عبارت. اردوغان حکومتی نینگ, برچه توسیق لر گه قره مسدن ترکیه نینگ اوروپا بیرلیگی اعضالیگی پروسه سی نی دوام ایتتریشی کیره ک.
انسان لر آره سیده گی علاقه لر ده بولگن لیگی دیک, خلق ارا علاقه لر بوییچه هم تمان لر بیر بیر لری گه یقین لشگن سری معما لر و بحران لرنینگ پیدا بولیش احتمالی آرتیب باشلیدی. اوشبو جهت دن آلیب قره گنده ترکیه بیلن آلمان آره سیده ایریم بحران لر نینگ پیدا بولیشی طبعی بیر موضوع نی تشکیل ایتماقده. براق, هیچ قندای بیر بحران نینگ قالوچی بولمیدیگن لیگی و حقیقت نی کوره دیگن رهبر لر تمانیدن ییچیله دیگن لیگی نی هم ایسدن چیقارمس لیک کیره ک. ایککی تمانلمه اوله راق ایشانچ نینگ موجود ایکن لیگی تقدیرده, آلمان و همده ترکیه ده اوشبو معما لرنی ییچه آلیش کوچی گه ایگه رهبر لر موجود.