آذربایجان ده قیته جمهور باشلیغی ایتیب سیلنگن الهام علی یف قسم یاد ایتدی

آذربایجان ده 7 فبروریده بولیب اوتگن وقتیدن آلدین سیلاوده 92،12 فایز رای آلیب قیته دن جمهور باشلیغی ایتیب سیلنگن الهام علی یف قسم یاد ایتیب وظیفه سیگه باشله دی.

 الهام علی یف 5- مرته جمهور باشلیغی ایتیب سیلندی.  

جمهور باشلیغی الهام علی یف اوچون آذربایجان ملی مجلسیده رسمی مراسم اویوشتیریلدی. وزیرلر، ملت وکیللری، اولکه ده گی بویوک ایلچیلر و یوقاری مقام مهمانلر قتنشگن قسم یاد ایتیش مراسمی آذربایجان ملی مجلسی صالونیده اوتکزیلدی.

علی یف آذربایجان اساسی قانونی نینگ اوستیگه قول قوییب "جمهور رئیسلیک وظیفم دوامیده آذربایجان اساسی قانونی گه باش ایگه جگیم گه، دولت نینگ مستقل لیگی و توپراق بوتونلیگینی قوریقلش گه، خلقیم گه لایق بولیب خذمت قیلیشیم گه قسم یاد ایته من" دیدی.

علی یف، آذربایجان ملی مدحیه سی اوقیلگندن کیین قرآنکریم گه هم قول قوییب "آذربایجان خلقی نینگ عصرلردن بیری قوروب دوام ایتتیرگن ملی و معنوی قدریتلرگه و عنعنه لرگه صادق بوله من، اولرنی هردایم یوقاریده توته من." دیدی.

جمهور باشلیغی علیف، قسم یاد ایتیش مراسمی نینگ آرتیدن باش قومندان صفتی بیلن آذربایجان بیراغینی اوپدی.