UN yaomba msaada kwa ajili ya Palestina

Mashambulizi ya Israel nchini Palestina

1663301
UN yaomba msaada kwa ajili ya Palestina

Shirika la Umoja wa Mataifa (UN) la Wakimbizi la Palestina (UNRWA) limetaka dola milioni 164 za misaada ya kibinadamu na ahueni kwa Wapalestina baada ya mashambulizi ya angani ya Israeli ya siku 11 mwezi uliopita.

Katibu Mkuu wa UN Stephane Dujarrec, katika mkutano wa kila siku na waandishi wa habari, amesema, "Wito wa leo unajumuisha hatua za dharura za kutekelezwa na UNRWA huko Gaza na Ukingo wa Magharibi katika kipindi cha 10-31 Mei, pamoja na mahitaji ya mapema ya kupona ya wakimbizi wa Kipalestina katika Ukingo wa Magharibi na Gaza, pamoja na Jerusalem Mashariki."

Dujarrec amesema kuwa wito wa msaada wa dola milioni 164 ni pamoja na rufaa ya kwanza ya msaada wa dharura ya milioni 38 iliyotolewa na UNRWA mnamo 19 Mei.

Akisisitiza kuwa mzozo wa hivi karibuni umekuwa na athari mbaya kwa watu wa Gaza na wakimbizi wa Palestina, msemaji huyo aliendelea kwa kusema kuwa,

"Athari za kiwewe hiki walichopata zitaendelea."

Mashambulizi ambayo yalizinduliwa na Israeli mnamo Mei kumi kwenye Ukanda wa Gaza uliozingirwa yalimalizika Mei 21, kulingana na usitishaji wa mapigano uliofikiwa na Hamas.

Wapalestina 254, wakiwemo watoto 66 na wanawake 39, walipoteza maisha, 1948 walijeruhiwa, na maelfu ya majengo yaliharibiwa kabisa au kuteketea katika mashambulizi hayo ya Israel dhidi ya Palestina.



Habari Zinazohusiana