Turqia ndihmon Shqipërinë pas tërmetit

Me udhëzim të Presidentit Erdoğan, institucionet turke ndihmojnë Shqipërinë pas tërmetit

Ndihmat turke për të prekurit nga tërmeti

Drejtoria e Menaxhimit të Fatkeqësive Natyrore dhe Emergjencave Civile në Turqi (AFAD) i dorëzoi qeverisë shqiptare 480 tenda (çadra) familjare të përshtatshme për çdo lloj klime dhe me vlerë totale 350.000 euro.

Ambasadori i Republikës së Turqisë në Tiranë, Murat Ahmet Yörük me udhëzim të Presidentit turk, Erdoğan së bashku me Drejtorin e Emergjencave Civile Turke (AFAD) dhe me Agjencinë Turke për Bashkëpunim dhe Koordinim (TİKA) u takuan me Ministren e Mbrojtjes së Shqipërisë, Olta Xhaçka.

Gjatë takimit u diskutua për ndihmat emergjente humanitare dhe kontributet që mund të ofrojë qeveria turke pas tërmetit në Shqipëri.

Ambasadori Yörük gjithashtu shprehu dhe një herë keqardhjen qeverisë dhe popullit mik e vëllazëror shqiptar për fatkeqësinë që ndodhi në Tiranë dhe Durrës.

Nga ana tjetër, për të siguruar strehim banorëve, në dimrin që po afron, shtëpitë e të cilëve u dëmtuan pas tërmetit që ndodhi me 21 shtator, me udhëzim të Presidentit të Turqisë, Drejtoria e Menaxhimeve te Fatkeqësive Natyrore dhe Emergjencave Civile Turke i dorëzoi qeverisë shqiptare 480 tenda familjare të përshtatshme për çdo lloj klime, përmes një ceremonie ku ishin të pranishëm ambasadori i Turqisë në Shqipëri, Yörük, zv.ministri i Mbrojtjes shqiptare, Petro Koçi, etj.

Gjatë fjalës në ceremoninë e dorëzimit të ndihmave, zëvendësministri i Mbrojtjes i Republikës së Shqipërisë, Petro Koçi, tha se çadrat të ardhura nga Turqia për nga cilësia janë shumë të vlefshme, sipas tij, këtë moment që kalojnë familjet shqiptare që janë dëmtuar rëndë nga tërmeti.


Fjalët Kyçe: Agjencia Turke për Bashkëpunim dhe Koordinim (TIKA) , Autoriteti i Menaxhimit të Fatkeqësive dhe Emergjencave (AFAD) , tërmeti në Shqipëri , ndihmat turke