Koronavirusi në Turqi (19 janar 2022) - Raportohen 72.615 raste të reja

Gjatë 24 orëve të fundit në Turqi 176 të infektuar kanë ndërruar jetë për shkak të koronavirusit, njoftoi Ministria e Shëndetësisë.

Brenda një dite u bënë 412 mijë e 31 teste dhe u përcaktuan 72.615 të infektuar.

Sipas Ministrisë, 84 mijë e 426 pacientë janë shëruar dhe janë larguar nga spitalet në 24 orët e fundit.

Ministria po ashtu bëri me dije se deri më sot janë bërë 140.087.559 doza vaksinash kundër llojit të ri të koronavirusit.