Udhëheqësi i Kinës bën thirrje për ushtri elitare “që mund të fitojë luftëra”

Presidenti kinez, Xi Jinping, ka bërë thirrje për “krijimin e një ushtrie elitare që mund të fitojë luftëra”, me trajnime ushtarake të bazuara në teknologji të avancuara.

1758821
Udhëheqësi i Kinës bën thirrje për ushtri elitare “që mund të fitojë luftëra”

Në urdhrin e tij të parë me shkrim drejtuar Ushtrisë Popullore Çlirimtare të Kinës (PLA) në vitin 2022, Xi Jinping, njëherësh president i Komisionit Ushtarak Qendror (CMC), tërhoqi vëmendjen mbi rëndësinë e të kuptuarit efektiv të peizazhit në ndryshim të sigurisë kombëtare dhe kushteve të luftës, bën të ditur agjencia shtetërore e lajmeve “Xinhua”.

Duke vënë në pah se forcat e armatosura duhet të monitorojnë nga afër evoluimin e teknologjisë, fushës së betejës dhe kundërshtarëve të tyre, udhëheqësi kinez theksoi se trajnimi e praktika operacionale duhet të kombinohen më mirë dhe përdorimi i teknologjisë duhet të rritet në mënyrë që të krijohet një ushtri elitare e aftë të fitojë luftëra.

Xi Jinping nënvizoi se të gjithë oficerët dhe trupat e Ushtrisë Popullore Çlirimtare të Kinës duhet të ndjekin trajnime të projektuara mirë, të cilat do të përmirësojnë aftësitë e tyre komanduese e luftarake dhe do të përsosin praktikën.



Lajme të ngjashme