Palestinë – Fatah miraton marrëveshjet e bëra me Hamasin në Stamboll

Komiteti Qendror i Lëvizjes së Çlirimit Kombëtar të Palestinës (Fatah) miratoi me unanimitet marrëveshjen e bërë afërsisht një javë më parë me Hamasin në Stamboll. 

Sipas lajmit të agjencisë zyrtare të Palestinës, WAFA, Komiteti Qendror i Fatah u mblodh në Ramallah nën kryesinë e Kryetarit të Shtetit të Palestinës, Mahmud Abbas.

Në deklaratën e publikuar pas mbledhjes theksohet se anëtarëve të Komitetit Qendror, Cibril er-Rucub, Ruhi Fettuh dhe Azzam el-Ahmed u janë dhënë informacione në lidhje me bisedimet me Hamasin në Stamboll.

Gjithashtu bëhet e ditur se marrëveshjet e bëra me Hamasin në Stamboll janë miratuar me unanim votash.

Në deklaratë njoftohet se partneriteti kombëtar është një zgjidhje strategjike e pakthyeshme dhe theksohet se është e domosdoshme që të gjithë komponentët e sistemit politik në Organizatën për Çlirimin e Palestinës (OÇP) të zhvillojnë këtë partneritet.

Komiteti Qendror, gjatë mbledhjes, i dha autorizim Rucub, Fettuh dhe Ahmed që duke nxjerrë sa më shpejt të jetë e mundur projektligjet në lidhje me zgjedhjet, të krijojnë procesin e zgjedhjeve.

Javën e kaluar në Stamboll ishin zhvilluar bisedimet ndërmjet delegacioneve të Lëvizjes Fatah dhe Hamas dhe në mbledhje ishte renë dakord për rezistencën popullore dhe krijimin e lidershipit të unitetit kombëtar si dhe u shqyrtuan çështjet si zgjedhjet në vend dhe arritja e një marrëveshjeje të përbashkët me përfshirjen e grupeve palestineze dhe organizatat joqeveritare.

Kryetari i Byrosë së Marrëdhënieve Kombëtare të Hamasit, Husam Bedran kishte bërë të ditur se me lëvizjen Fatah kishin arritur në marrëveshje për pika të rëndësishme.   

Lëvizjet palestineze Fatah dhe Hamas pajtohen të mbajnë zgjedhjet së shpejti | TRT Shqip

Grupet rivale palestineze Fatah dhe Hamas ranë dakord të enjten gjatë bisedimeve në Turqi për të mbajtur zgjedhjet “së shpejti”.