Siri-Fotografia e një 5-vjeçari të plagosur përshkon botën

Fëmija i plagosur është transportuar në spitalin “M10” pas sulmeve të djeshme ajrore në lagjen Qaterji.

Siri-Fotografia e një 5-vjeçari të plagosur përshkon botën
Videdoja e sirianit 5-vjeçar që turpëroi të gjithë njerëzimin
Videdoja e sirianit 5-vjeçar që turpëroi të gjithë njerëzimin

Habia, dëshpërimi, mëria, zemërimi dhe heshtja që duket në fytyrën e fëmijës 5 vjeç të vendosur në një ambulancë pasi është nxjerrë i gjallë nga rrënojat në një sulm ajror që ndodhi në errësirën e natës mbi qytetin e rrethuar Halep të Sirisë, e ka prekur dhe turpëruar edhe një herë njerëzimin.

Disa orës pas sulmeve ajrore në Halep, forcat opozitare siriane publikuan fotografi dhe video tronditëse të një fëmije 5 vjeç, të nxjerrë nga rrënojat.

Në video shihet se si djaloshin e trembur një pjesëtar i ndihmës së shpejtë e vendos në autoambulancë duke e lënë derën hapur për të sjellë edhe disa persona të plagosur. 

Fëmija, i mbuluar i tëri me gjak dhe pluhur, me qetësi qëndron ulur në karrige duke shikuar me tmerr drejt fotoreporterit. Në një çast me dorë e fshin gjakun nga balli dhe më pas e fshin në karrige. 

Fotografia dhe videoja e 5-vjeçarit është publikuar në shumë media botërore, ndërsa është shpërndarë edhe në rrjetet sociale si simbol i luftës në Siri. 

Mjeku nga Halepi, Osama Abu al-Ezz konfirmoi se bëhet fjalë për pesëvjeçarin Omran Daqneesh. Fëmija i plagosur është transportuar në spitalin “M10” pas sulmeve të djeshme ajrore në lagjen Qaterji. 



Lajme të ngjashme