Dakarun Isra'ila sun kama wani Ministan kasar Falasdin

Dakarun Isra'ila sun kama Ministan Harkokin Kudus na kasar Falasdin Fadi Al-Hadmi a yayin wani sumame da suka kai gidansa da asubahin Juma'ar nan.

1390516
Dakarun Isra'ila sun kama wani Ministan kasar Falasdin

Dakarun Isra'ila sun kama Ministan Harkokin Kudus na kasar Falasdin Fadi Al-Hadmi a yayin wani sumame da suka kai gidansa da asubahin Juma'ar nan.

Rubutacciyar sanarwar da aka fitar daga ofishin Ministan Harkokin Kudus na gwamnatin Falasdin Al-Hadmi ta ce, 'yan sandan Isra'ila da jami'an leken asirin kasar ne suka mamayi gidan Al-Hadmi dake yankin Al-Sawwani na Gabashin Kudus.

Sanarwar ta ce a yayin sumamen an karya kofofin waje da na gidan Ministan, an tura karnuka sun yi bincike a gidan tare da kwace kudi kimanin dala dubu 2,750.

Sanarwar ta kuma ce a yayin sumamen an yi barna sosai a gidan Minista Al-Hadmi, an kuma tafi da shi don amsa tambayoyi, babu wanda ya san musabbabin kama shi da aka yi.

A shekara 1 da ta gabata karo na 4 kenan da 'yan sandan Isra'ila suka kama Minista Al-Hadmi.



Labarai masu alaka