Bugun "TRT Avaz" telekanali 14 yoshga to'ldi!

Bugun, 21-mart Navro'z bayrami va "TRT Avaz" telekanalining 14 yilligi munosabati bilan "TRT Avaz" kanalida uzluksiz bayram dasturi namoyish etilmoqda.

Turkiya teleradiokompaniyasi (TRT) rahbariyati ma'lum qilishicha, Turk dunyosidagi birlik, qardoshlik va hamkorlik ramzi bo'lgan "Nevruz 2023 Turk Dunyosi Bir Yurak" nomli maxsus ko'rsatuvi Turkiya vaqti bilan soat 11:00da boshlandi.

Jonli efirda Turkiy Respublikalar tomonidan Turkiyani qo'llab-quvvatlashiga doir tasvirlar ham namoyish qilinadi.

Maxsus dasturda Shimoliy Kipr Turk Respublikasi, Qozog'iston, Qirg'iziston, O'zbekiston, Ozarbayjon, Shimoliy Makedoniya va Iroqqa jonli bog'lanib, u yerdagi Navro'z shodiyonalari efirga uzatiladi.