Mirzoyan, Ozarbayjon Tashqi ishlar vaziri Bayramov bilan o’tgan hafta Olmaota shahrida uchrashdi

Poytaxt Yerevanga amaliy tashrif bilan borgan Yevropada Xavfsizlik va Hamkorlik Tashkiloti (YXHT) raisi, Armaniston tashqi ishlar vaziri Ararat Mirzoyan  Malta tashqi ishlar, Yevropa va savdo vaziri Ian Borg bilan uchrashdi.

Armeniya rasmiy axborot agentligi Armenpress xabariga ko'ra, Mirzoyan, Ozarbayjon Tashqi ishlar vaziri Jeyhun Bayramov bilan o’tgan hafta Qozog’istonning Olmaota shahrida bo’lib o’tgan uchrashuvi ijobiy muhitda o’tganini mehmonga aytdi.

Mirzoyan 1991-yildagi Olmaota deklaratsiyasi asosida ikki davlatning hududiy yaxlitligini o‘zaro tan olish va chegaralarni aniqlash ishlarini davom ettirish zarurligini ta’kidladi.

Vazir Mirzoyan deklaratsiya tamoyillari Ozarbayjon bilan muzokara qilingan tinchlik shartnomasiga kiritilishi kerakligini aytdi.

Uning qayd etishicha, bu uzoq yillik mintaqaviy mojaroga barham berish va Janubiy Kavkazda doimiy tinchlik o‘rnatish imkonini beradi.

Ararat Mirzoyan mintaqada transport yoʻnalishlarining qayta ochilishi tinchlikning muhim tarkibiy qismi ekanini taʼkidladi.

“Biz, ayniqsa, birinchi bosqichda Ozarbayjon bilan temir yoʻl aloqasini qayta tiklashdan manfaatdormiz.Albatta, barcha infratuzilmalar ular orqali oʻtadigan davlatlar suvereniteti ostida boʻladi.

  "U o'sha mamlakatlarning yurisdiktsiyasiga muvofiq ishlaydi va, albatta, qoidalar o'zaro va tenglik tamoyillariga mos keladi".