تۈركىيەگە سېلىنىۋاتقان چەت ئەل مەبلىغى بارغانسېرى كۆپەيمەكتە

تۈركىيە ئاۋازى رادىيوسى خەۋىرى: خەلقئارا مەبلەغ سالغۇچىلار جەمئىيىتى خەلقئارالىق بىۋاسىتە مەبلەغ سېلىش دوكلاتىنى ئېلان قىلدى.

بۇنىڭغا ئاساسلانغاندا، 3-ئايدا تۈركىيەگە سېلىنغان بىۋاسىتە خەلقئارا مەبلەغنىڭ ئومۇمىي سوممىسى 336 مىليون دوللارغا، 2024-يىلىنىڭ ئالدىنقى ئۈچ ئېيىدا بولسا 1 مىليارد 500 مىليون دوللارغا يەتكەن.

بۇ مەزگىلدە، پۇل-مۇئامىلە ۋە سۇغۇرتا پائالىيەتلىرى ساھەلىرىگە ئەڭ كۆپ مەبلەغ سېلىنغان.

بۇ يىلنىڭ بىرىنچى پەسلىدە، ياۋروپا ئىتتىپاقى دۆلەتلىرى % 58 ئۈلۈش بىلەن تۈركىيەگە سېلىنغان مەبلەغنىڭ ئەڭ چوڭ مەنبەسى بولۇپ قالغان.

بۇ مەزگىلدە،  گوللاندىيە % 25 لىك ئۈلۈش بىلەن ئالدىنقى ئورۇندا، ئامېرىكا قوشما ئىشتاتلىرى % 21 ئۈلۈش بىلەن ئىككىنچى، گېرمانىيە % 12 ئۈلۈش بىلەن ئۈچىنچى ئورۇندا تۇرغان.