تۈركىيەنىڭ مېۋە – چېۋە ۋە كۆكتات ئېكىسپورتى ئاشتى

تۈركىيە ئاۋازى رادىيوسى خەۋىرى: ئاپرېل ئېيىدا تۈركىيەنىڭ ھەرقايسى جايلىرىنىڭ مېۋە – چېۋە ۋە كۆكتات ئېكسپورتى ئاشتى.

مېۋە – چېۋە ۋە كۆكتات ئېكسپورتى  ساھەسى 4-ئايدا 279 مىڭ 88 توننا مەھسۇلاتنى خەلقئارا بازارغا سالدى.

بۇ مەزگىلدە ئەڭ كۆپ پەمىدۇر، قىزىلمۇچ ۋە لىمون ئېكسپورت قىلىندى.

بۇ يىلنىڭ تۆتىنچى ئېيىدا مېۋە – چېۋە ۋە كۆكتات ئەڭ كۆپ ئېكىسپورت قىلىنغان دۆلەت رۇسىيە بولدى. رۇسىيەگە قىلىنغان مېۋە – چېۋە ۋە كۆكتات ئېكىسپورتىدىن 45 مىليون 64 مىڭ دوللار كىرىم قىلىندى.

رۇسىيەدىن قالسا رۇمىنىيەگە 36 مىليون 524 مىڭ دوللارلىق، ئۇكرائىناغا 24 مىليون 955 مىڭ دوللارلىق مېۋە – چېۋە ۋە كۆكتات ئېكىسپورت قىلىندى.