ئامېرىكا مەركىزىي بانكاسى 10-قېتىم ئۆسۈم ئۆستۈردى
ئامېرىكا مەركىزىي بانكاسى (Fed) سىياسەت ئۆسۈم نىسبىتىنى 25 نومۇر ئۆستۈرۈپ، 16 يىلدىن بۇيانقى ئەڭ يۇقىرى سەۋىيە بولغان %5.25 كە چىقاردى.
تۈركىيە ئاۋازى رادىيوسى خەۋىرى: ئامېرىكا مەركىزىي بانكاسى بايانات ئېلان قىلىپ، ئۆسۈم نىسبىتىنى ئۆستۈرۈش قارارىنىڭ بىردەك ماقۇللانغانلىقىنى بىلدۈردى.
باياناتتا، فېدېراتسىيە ئوچۇق بازار كومىتېتى (FOMC) نىڭ ئۇزۇن مۇددەت ئىچىدە ئەڭ يۇقىرى ئىشقا ئورۇنلىشىش ۋە پۇل پاخاللىقىنى %2 كە چۈشۈرۈشنى مەقسەت قىلغانلىقىنى تەكىتلەپ، بۇ نىشاننى ئەمەلگە ئاشۇرۇش ئۈچۈن ئۆسۈم نىسبىتىنى %5.25 كە چىقىرىشنىڭ قارار قىلىنغانلىقى قەيت قىلىندى.
ئۆتكەن يىلى (2022) 3-ئايدىن باشلاپ 10-قېتىملىق ئۆسۈم ئۆستۈرۈشنى ئەمەلگە ئاشۇرغان ئامېرىكا مەركىزىي بانكاسى، ئۆسۈم نىسبىتىنى جەمئىي 500 نومۇر ئۆستۈرگەن بولدى.
ئامېرىكادىكى پۇل پاخاللىقى ئالدىنقى يىلى 6-ئايدا يىللىقى %9 بولغان ۋە بۇ 1981-يىلدىن بۇيانقى ئەڭ يۇقىرى سەۋىيەنى كۆرگەندىن كېيىن، بۇ يىل (2023) %5 بولغان ئىدى.
ئامېرىكا مەركىزىي بانكاسىنىڭ باشلىقى جېروم پاۋېل (Jerome Powell) ئاخبارات ئېلان قىلىش يىغىنىدا، پۇل پاخاللىقىنىڭ %2 بولغان ئۇزۇن مۇددەتلىك نىشانىدىن خېلى يۇقىرى بولۇۋاتقانلىقىنى بىلدۈرۈپ، بۇ نىشاننى ئەمەلگە ئاشۇرۇشقا بىر ئاز ۋاقىت كېتىدىغانلىقىنى ئەسكەرتتى.
ئۇ شۇنىڭ ئۈچۈن ئۆسۈمنى چۈشۈرۈشنىڭ مۇۋاپىق ئەمەسلىكىنى قەيت قىلدى.
مۇناسىۋەتلىك خەۋەرلەر
تۈركىيە ئىقتىسادى % 5.7 تەرەققىي قىلدى
تۈركىيە ئىقتىسادى بۇ يىل (2024) بىرىنچى پەسىلدە %5.7 تەرەققىي قىلدى.