ئەردوغان 29-ئۆكتەبىر تەبرىك تېلېگراممىسىنى ئېلان قىلدى

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان 29-ئۆكتەبىر جۇمھۇرىيەت بايرىمى مۇناسىۋىتى بىلەن ئېلان قىلغان ۋىدېئو تېلېگراممىسىدا: <<مەملىكەت ئىچىدە ۋە مەملىكەت سىرتىدا ياشايدىغان پۇقرالىرىمىز بىلەن شانلىق تارىخىمىزنىڭ ئالتۇن ھالقىلىرىدىن بىرى بولغان شەرەپلىك كۈنىمىزنى بىز بىلەن بىرلىكتە ئورتاقلاشقان بارلىق دوستلىرىمىزنىڭ 29-ئۆكتەبىر جۇمھۇرىيەت بايرىمىنى تەبرىكلەيمەن. جېنى بەدىلىگە بۇ ۋەتەننى بىزگە ئامانەت قىلغان ئەزىز شېھىتلىرىمىزغا ئاللاھتىن رەھمەت تىلەيمەن. ئوخشاش مۇقەددەس دەۋا ئۈچۈن كۈرەش قىلغاندا، غازىلىق شەرىپىگە ئېرىشكەنلەرگە شەخسىم، دۆلىتىم ۋە خەلقىم نامىدىن رەھمىتىمنى بىلدۈرىمەن>> دېدى.

ئۇ ئېلان قىلىنغانلىقىنىڭ 98-يىللىقىدا، جۇمھۇرىيەتنىڭ قۇرغۇچىسى غازى مۇستاپا كامال ئاتاتۈرك بىلەن قەھرىمان سەپداشلىرىنى مىننەت بىلەن خاتىرىلىگەنلىكىنى ئەسكەرتىپ، سۆزىنى مۇنداق داۋاملاشتۇردى:

<<جۇمھۇرىيىتىمىزنىڭ 100-يىللىقى (2023) ئۇپۇقتا ئېنىق كۆرۈنگەن بىر پەيتتە، ھېچقانداق كۈچنىڭ، ھېچقانداق مەينەت سېنارىيەنىڭ، تۈركىيەنى ئاقسىتىشنى مەقسەت قىلغان ھەر قانداق نومۇسسىز ھۇجۇمنىڭ، بىزنى يولىمىزدىن توختىتىشىغا رۇخسەت قىلمايمىز. پۈتكۈل خەلق ئەڭ چوڭ ئىشەنچىمىز بولغان ئىتتىپاقلىقىمىزغا، باراۋەرلىكىمىزگە ۋە قېرىنداشلىقىمىزغا مەھكەم ئېسىلىپ، ئۇلۇغ ۋە كۈچلۈك تۈركىيە دەۋامىزنى ئەمەلگە ئاشۇرۇش ئۈچۈن كۈرەش قىلىمىز. قىلىۋاتقان بۇ مۇقەددەس كۈرەشتە، مىللىي كۈرەشنى غەلىبىگە ئېرىشتۈرگەن، جۇمھۇرىيىتىمىزغا ھايات بېغىشلىغان پولات ئىرادە، 98 يىلدىن بۇيان قىلغانغا ئوخشاش، بۈگۈنمۇ باشلامچىلىق قىلىشنى داۋاملاشتۇرىدۇ.>>