تۈركىيە قىزىل ئاي جەمئىيىتى ئافغانىستانغا 142 توننا ئىنسانپەرۋەرلىك ياردىمى يوللىدى

تۈركىيە ئاۋازى رادىيوسى خەۋىرى: 5 يۈك ئاپتوموبىلىدا لىق يېمەكلىك ياردىمى پاكىستان ئارقىلىق ئافغانىستانغا قاراپ يولغا چىقتى.

142 توننا ئىنسانپەرۋەرلىك ياردىمى پاكىستان-ئافغانىستان چېگراسىدىكى تورخام چېگرا ئېغىزىدىن ئۆتتى.

ياردەملەر ئافغانىستاننىڭ پايتەختى كابۇل بىلەن دەيكۇندى، لاخمان ۋە نۇرىستان ۋىلايەتلىرىدە تارقىتىلىدۇ.

يېمەكلىك ياردىمىدىن 30 مىڭدىن ئارتۇق كىشىنىڭ پايدىلىنىدىغانلىقى مۆلچەرلەنمەكتە.

تۈركىيە قىزىل ئاي جەمئىيىتى 2-ئۆكتەبىردىمۇ ئافغانىستانغا 33 توننا يېمەكلىك ياردىمى قىلغان ئىدى.