ت ر ت نىڭ 60-يىلىغا بېغىشلاپ تەييارلانغان تور بېكەت زىيارەتچىلەرگە ئېچىۋېتىلدى
تۈركىيە رادىيو-تېلېۋىزىيە ئىدارىسى —TRT نىڭ 60 يىللىقىغا بېغىشلاپ مەخسۇس تەييارلانغان www.trt60yasinda.com ناملىق تور بېكەت ئاممىغا ئېچىۋېتىلدى.
تۈركىيە ئاۋازى رادىيوسى خەۋىرى: تۈركىيە رادىيو-تېلېۋىزىيە ئىدارىسى بايانات ئېلان قىلىپ، TRT نىڭ 60 يىللىق ئاڭلىتىش ھاياتىدىكى يېڭىلىقلارغا ئورۇن بېرىلگەن تور بېكىتىدە، تۈركىيە ئىچى-سىرتىدىكى تارقىتىشلار، رەقەملىك ئەپلەر، كۆرۈلۈش رېكورتى ياراتقان ئەسەرلەر ۋە مائارىپ ساھەسىدىكى تۈرلەرگە ئورۇن بېرىلگەنلىكىنى ئۇقتۇردى.
باياناتتا كۆرسىتىلىشىچە، مەزكۇر تور بېكەت يەنە زىيارەتچىلىرىگە تۈركىيەنىڭ ئۇنتۇلماس ناخشا-مۇزىكىلىرى، ناخشىچىلىرى ۋە ئەسەرلىرىنى سۇنىدىكەن.
تۈركىيە رادىيو-تېلېۋىزىيە ئىدارىسى باش مۇدىرى مەھمەت زاھىد سوباجى ئىجتىمائىي تاراتقۇ سۇپىسى «X» تىكى ئادرېسىدا تور بېكەت ھەققىدە ئۇچۇر ھەمبەھىرلەپ: «خاتىرىلىمىزدىن ئىلھام ئېلىپ، كېلەككە ئىپتىخار بىلەن يول ئالماقتىمىز. ت ر ت 60-يىلىدا ئۆزگەرمەكتە، زورايماقتا، كۈچەيمەكتە. 60-يىلغا ئاتالغان مەخسۇس تور بېكىتىمىز ئېچىۋېتىلدى» دېگەنلەرنى قەيت قىلدى.
ت ر ت نىڭ يېڭىدىن ئېچىۋېتىلگەن تور بېتىنى تۆۋەندىكى ئادرېستىن زىيارەت قىلالايسىز...
مۇناسىۋەتلىك خەۋەرلەر
نىگېرىيەلىك ياش سۈنئىي چاچ ياساشتا جىنېس دۇنيا رېكورتىغا كىردى
نىگېرىيەلىك سۈنئىي چاچ ئۇستىسى ئۆزى ياسىغان «ئەڭ كەڭ سۈنئىي چاچ» جىنېس دۇنيا رېكورتىغا كىردى.