бен гвир пәләстинликләрни «ихтийарий көчүш»кә илһамландурушни тәләп қилди

түркийә авази радийоси хәвири: пәләстингә қарши көз қарашлири билән тонулған бен гвир, ашқун оңчил исраилийәликләрниң ғәззәдә қанунсиз йәһудий олтурақ райони қурушни тәләп қилип өткүзгән намайишида сөз қилди.

ғәззә чеграсидики сдерот шәһиридә өткүзүлгән намайишқа қатнашқан бен гвир, кәрәм әбу салим чегра еғизи арқилиқ ғәззәгә инсанпәрвәрлик йардими әвәтишкә қарши беләт ташлиған бирдинбир кабинет әзасиниң өзи  икәнликини ашкарилиди.

у, башқа министирларниң кәрәм әбу салим арқилиқ ғәззәгә йардәм йоллашқа қарши турмиғанлиқидин «номус қилидиғанлиқи»ни билдүрди.

ғәззәдә қанунсиз йәһудий олтурақ райони қурушни тәләп қилған бен гвир: «ғәззә мәсилисиниң тәкрарлинишиниң алдини елиш үчүн, икки ишни қилиш керәк؛ (униң бири) ғәззәгә қайтиш вә ғәззә аһалилирини <өз ихтийарлиқи билән> чиқип кетишкә илһамландуруш. бу әхлақийлиқтур, ақиланиликтур, адимийликтур» дегәнләрни қәйт қилди.