رۇسىيە يېرىم كېچىدە نۇرغۇن شەھەرلەرگە باشقۇرۇلىدىغان بومبا ئاتتى

تۈركىيە ئاۋازى رادىيوسى خەۋىرى: ئۇكرائىنا ھاۋا ئارمىيە قىسىمى رۇسىيەنىڭ كىيېۋدىن باشقا ئالتە شەھەرگە 55 دانە باشقۇرۇلىدىغان بومبا ئاتقانلىقىنى، 21 ئۇچقۇ بىلەن شەھەرلەرنى بومباردىمان قىلغانلىقى توغرىسىدا بايانات ئېلان قىلدى.

باياناتتا، 39 دانە باشقۇرۇلىدىغان بومبا ۋە 20 دانە ئۇچقۇنىڭ ھاۋا قالقان سىستېمىسى تەرىپىدىن پاچاقلىنىپ تاشلانغانلىقى، ئۈچ ئېلېكتىر ئىستانسىسىنىڭ ھۇجۇمدا بۇزغۇنچىلىققا ئۇچرىغانلىقى قەيت قىلىندى.

ئۇكرائىنا پىرېزىدېنتى ۋولودىمىر زېلېنسكىي ئىجتىمائىي تاراتقۇ ئادرېسىدا بايانات ئېلان قىلىپ، رۇسىيەنىڭ ھۇجۇمىنى ئەيىبلىدى.

رۇسىيە پىرېزىدېنتى پۇتىننىڭ 2022-يىلى 24-فېۋرال ئۇكرائىنانى ئىشغال قىلىش پەرمانىنى چۈشۈرۈشى بىلەن، ؟ۇكرائىنا-رۇسىيە ئۇرۇشى رەسمىي باشلانغان ئىدى.