چېخىيە رۇسىيە باش ئەلچىسىنى مىنىستىرلىققا چاقىرتتى

تۈركىيە ئاۋازى رادىيوسى خەۋىرى: چېخىيە تاشقى ئىشلار مىنىستىرى يان لىپاۋىسكىي رۇسىيەنىڭ كونتروللۇقىدىكى APT28 گۇرۇپپىسىنىڭ ئۆتكەن يىلدىن بۇيان مىكروسوفتنىڭ ئوۋتلۇك دىتالىدىكى ئېنىقلىنالمىغان بىر بىخەتەرلىك بوشلۇقىدىن پايدىلىنىپ، چېخىيە ئورگانلىرىغا «تور ھۇجۇمى» قىلغانلىقى ئۈچۈن، رۇسىيەنىڭ پىراگادا تۇرۇشلۇق باش ئەلچىسى زمېۋىۋىسكىينىڭ مىنىستىرلىققا چاقىرىلغانلىقىنى بىلدۈردى.

لىپاۋىسكىي ھۇجۇملارنىڭ چېخىيەنىڭ بىخەتەرلىكى ۋە مۇقىملىقىغا ئېغىر دەرىجىدە زىيان يەتكۈزۈشنى نىشان قىلغانلىقىنى ئىلگىرى سۈردى.

چېخىيە مەتبۇئاتلىرىنىڭ خەۋەرلىرىدە، APT28 گۇرۇپپىسىنىڭ گېرمانىيەگىمۇ ھۇجۇم قىلغانلىقى قەيت قىلىندى.

ئىگىلىنىشىچە، گېرمانىيە تاشقى ئىشلار مىنىستىرلىقى ئۆتكەن ھەپتە رۇسىيەنىڭ بۇ دۆلەتتىكى باش ئەلچىسىنى مىنىستىرلىققا چاقىرغان.