ئالبانىيە تۈركىيەدىكى يەر تەۋرەش تۈپەيلى بىر كۈنلۈك مىللىي ماتەم ئېلان قىلدى

تۈركىيە ئاۋازى رادىيوسى خەۋىرى: ئالبانىيە باش مىنىستىرى ئەدى راما ماتەم ئېلان قىلىش قارارىنى ھۆكۈمەتنىڭ ئىجتىمائىي ئالاقە سۇپىسىدىكى ئادرېسىدا ئېلان قىلدى.

دۈشەنبە كۈنى بايراقلارنىڭ يېرىم چۈشۈرۈلۈپ، شام يېقىشنىڭ ئىتتىپاقلىقنىڭ سىمۋولى بولىدىغانلىقىنى ئەسكەرتكەن راما: «تۈركىيە – سۈرىيە چېگراسىدىكى ئېغىر يەر تەۋرەش تىراگېدىيەسىدە قازا قىلغانلارنى خاتىرىلەش، بۇنىڭدىن ئىلگىرى ئالبانىيەگە زىيان يەتكۈزگەن مۇشۇنىڭغا ئوخشاش بىر ئاپەتتە بىزنىڭ يېنىدا تۇرغان دوست دۆلەت تۈركىيە بىلەن ھەمكارلىشىشنىڭ ئىشارىتى سۈپىتىدە، ئالبانىيە ھۆكۈمىتى 13-فېۋرال دۈشەنبە كۈنى دۆلەت مىقياسىدا مىللىي ماتەم ئېلان قىلىشنى قارار قىلدى» دېگەنلەرنى قەيت قىلدى.