روسی فوج میں فوجیوں کی نفری کو 15 لاکھ تک بڑھا دیا جائے گا، روسی وزیر دفاع
عسکری آپریشن کے آغاز سے ابتک یوکرینی مسلح افواج کے ہلاک اور زخمی ہونے والے فوجیوں کی تعداد 3 لاکھ 83 ہزار سے تجاوز کر چکی ہے
روسی وزیر دفاع سرگئی شوئیگو نے بتایا ہے کہ مستقبل میں بیرونی خطرات کے تناسب سے روسی فوج میں فوجیوں کی نفری کو 15 لاکھ تک بڑھا دیا جائے گا۔
وزارت دفاع کے اعلیٰ حکام کا ایک جامع اجلاس دارالحکومت ماسکو میں منعقد ہوا۔
اجلاس میں روسی صدر ولادیمیر پیوٹن، وزیر دفاع شوئیگو اور فوجی حکام نے شرکت کی۔
یہاں اپنی تقریر میں، شوئیگو نے روس۔ یوکرین جنگ کا ذکر چھیڑتے ہوئے کہا کہ:"خصوصی فوجی آپریشن کے آغاز سے قبل ، لوہانسک اور دونیتسک عوامی جمہوریہ کے رقبے سے پانچ گنا بڑے علاقے کو روسی فوجی دستوں نے آزاد کرالیا تھا۔ ریفرنڈم کے نتیجے میں 83 ہزار مربع میٹر کے رقبے اور تقریبا 50 لاکھ آبادی کے حامل 4 نئے علاقے روس میں شامل ہوئے ہیں۔ بحیرہ ازوف کے پانیوں میں "روس کا فوجی بحری زون قائم کیا گیا ہے۔"
انہوں نے دعوی کیا ہے کہ یوکرینی افواج کے ماہ جون میں روسی فوج کے خلاف شروع کردہ حملوں میں " یوکرین کو سنگین سطح کا فوجی نقصان " اٹھانا پڑا ہے۔ عسکری آپریشن کے آغاز سے ابتک یوکرینی مسلح افواج کے ہلاک اور زخمی ہونے والے فوجیوں کی تعداد 3 لاکھ 83 ہزار سے تجاوز کر چکی ہے۔ 14 ہزار ٹینک، پیادہ اور بکتر بند گاڑیاں، 553 طیارے اور 259 ہیلی کاپٹر، اور 8 ہزار 500 سے زیادہ ہووٹزر اور توپیں تباہ ہوئی ہیں۔ 5,800 سے زیادہ زر فوجیوں کو بے اثر کیا گیا، جن میں پولینڈ سے 1,427، متحدہ امریکہ سے 466 اوربرطانیہ سے 344 فوجی شامل تھے۔ "یوکرین میں 103 جنگی مجرموں کو سزا دے دی گئی ہے۔"
روسی فوج کے ہتھیاروں کی تیاری جاری ہونے کا ذکر کرنے والے شوئیگو نے کہا کہ فوجی دفاع کے میدان میں ان کے ملک کی پیداواری صلاحیت میں چار گنا اضافہ کیا گیا ہے۔
شوئیگو نے بتایا کہ ایک سال کے دوران تقریباً 4 لاکھ 90 ہزار فوجیوں کو کنٹریکٹ اور رضاکارانہ طور پر فوج میں بھرتی کیا گی ہے۔ فوج میں غیر ملکی "رضاکاروں" کی تعداد میں 7 گنا اضافہ ہوا، زر جنگجوؤں کی تعداد 6 گنا کم ہوئی جبکہ ساڑھے 6 لاکھ فوجیوں نےیوکرین میں "تجربہ حاصل کیا" ہے۔
یہ یاد دلاتے ہوئے کہ صدر پوتن نے روسی فوج میں فوجیوں کی تعداد 1 لاکھ 320 ہزار تک بڑھانے کے حکم نامے پر دستخط کیے ہیں، شوئیگو نے کہا، "مستقبل میں بیرونی خطرات کے پیش نظر روسی مسلح افواج کی تعداد کو تناسب کے لحاظ سے15 لاکھ تک بڑھایا جائے گا۔"
