ڈبلن سٹی کونسل نے غزہ کے عوام سے اظہار یکجہتی کے لیے فلسطینی پرچم بلند کرنے کی قرارداد منظورکرلی

آئرلینڈ میں ڈبلن سٹی کونسل نے متفقہ طور پر غزہ کے عوام کے ساتھ اظہار یکجہتی کے لیے فلسطینی پرچم بلند کرنے کی قرارداد منظور کی ہے ۔

فلسطینی پرچم کو بلند کرنے کی تحریک جو نومبر کے آغاز میں پارلیمنٹ میں پیش کی گئی تھی لیکن اسے قبول نہیں کیا گیا تھا، کل رات دوبارہ ووٹنگ کے نتیجے میں پارلیمنٹ نے منظور کرلیا۔

آزاد ڈبلن سٹی کونسل ممبر سیرن پیری نے اپنے سوشل میڈیا اکاؤنٹ پر اپنی پوسٹ میں کہا ہے کہ اتفاقِ رائے سے غزہ کے ساتھ اظہار یکجہتی کے لیے سات روز فلسطین کے پرچم  کو لہرانے کا فیصلہ کیا گیا ہے۔