انگلینڈ: نقل مکانوں کی بیبی اسٹاک ہوم پر منتقلی دوسری دفعہ منسوخ ہو گئی

انگلینڈ میں 500 مرد مہاجرین کے قیام کے لئے تیار کئے گئے 'بیبی اسٹاک ہوم  بحری جہاز' میں 50 افراد پر مشتمل پہلے مہاجر گروپ کی آمد دوسری دفعہ ملتوی ہو گئی ہے۔

انگلینڈ ذرائع ابلاغ کے مطابق 50 مرد نقل مکانوں  کو جہاز  پر پہنچانے کا کام، ڈورسیٹ اینڈ ولٹشائر فائر بریگیڈ  کے طریقہ کار کی وجہ سے، التوا کا شکار ہو گیا ہے۔

فائر بریگیڈ کی طرف سے جہاز کی تنگ راہداریوں، جہاز کے بندرگاہ سے قریبی حصے میں ہنگامی اخراج کے صرف ایک راستے، لائف سیونگ جیکٹوں کی کمی اور جہاز میں متوقع انسانی ہجوم کے بارے میں اندیشے ظاہر کئے جانے کے بعد نقل مکانوں کی جہاز پر منتقلی کو گذشتہ ہفتے کے بعد دوسری دفعہ منسوخ کر دیا گیا ہے۔

ذرائع ابلاغ نے احتمال ظاہر کیا ہے کہ نقل مکانوں کو رواں ہفتے کے دوران جہاز پر لے جایا جا سکتا ہے۔

انگلینڈ میں فائر بریگیڈ اور ریسکیو  اہلکاروں کی 105 سالہ' فائر بریگیڈ لیبر یونین' نے ٹویٹر سے جاری کردہ بیان میں کہا ہے کہ "حکومت کے برعکس آگ کوئی تفریق نہیں کرتی۔ نقل مکانوں کو ایک ایسی جگہ  رہنے پر مجبور کرنا کہ جہاں  آگ کے خطرے کا درست جائزہ نہ لیا گیا  ہونقل مکانوں کی ہی نہیں   فائر بریگیڈ کی سلامتی کو بھی خطرے میں ڈال دے گا"۔

بیان میں کہا گیا ہے کہ ہر ایک کو ایک محفوظ جگہ پر رہنے کا حق حاصل ہے۔ ہم نقل مکانوں کی جہاز پر منتقلی کے خلاف کی گئی تمام اپیلوں کی حمایت کرتے ہیں۔

واضح رہے کہ انگلینڈ نے، تقریباً 50 ہزار غیر قانونی نقل مکانوں کو فوجی تنصیبات کی متروک عمارتوں اور بجروں پر تعمیر کئے گئے  تیرتے مکانات میں رکھنے کا فیصلہ کیا تھا۔

فی الوقت انگلینڈ میں نقل مکانوں کو ہوٹلوں میں رکھا گیا ہے اور اس قیام کے بھاری معاوضے سے نجات کے لئے نقل مکانوں کی بیبی اسٹاک ہوم  بحری جہاز میں منتقلی کا اعلان کیا گیا ہے۔

بحیثیت نقل مکانوں کی قیام گاہ کے اپنی نوعیت کا پہلا بحری جہاز ہونے کی وجہ سے بیبی اسٹاک ہوم دنیا کے ایجنڈے پر آ گیا ہے۔