صدر پوتن کا مشترکہ جنگی ہیڈ کوارٹر کا دورہ

روسی صدر ولادمیر پوتن نے یوکرین کی جنگ میں شامل فوجی یونٹوں کا انتظام سنبھالنے والے مشترکہ ہیڈ کوارٹر   کا  معائنہ کیا۔  

روسی صدارتی محل کریملن سے جاری ہونے والے ایک بیان میں بتایا گیا ہے کہ پوتن نے یوکرین میں ’خصوصی فوجی آپریشن‘ میں حصہ لینے والے فوجی یونٹوں کے مشترکہ ہیڈ کوارٹر کا دورہ کیا ہے۔

بتایا گیا ہے کہ  پوتن نے دن بھر اسی ہیڈ کوارٹر میں اپنے   امور کو جا ری رکھا۔  انہوں نے  ہیڈ کوارٹر کی کاروائیوں کے بارے میں آگاہی حاصل کی ،  خصوصی عسکری آپریشنز کی پیش  رفت کے  بارے میں  رپورٹ سنی اور کمانڈروں کے  ساتھ  اجلاس منعقد کرتے ہوئے صلاح مشورہ کیا۔

اس اجلاس میں روسی وزیر دفاع سرگئے  شوئگو اور  چیف آف جنرل سٹاف  والیری گیراسیمووف بھی   شامل تھے۔