ترکیہ فلسطین میں قتل عام کے بر خلاف انسانی و سفارتی تمام تر امکانات کو بروئے کار لا رہا ہے

صدر اتی  محکمہ اطلاعات کے سربراہ فخرالدین آلتون   کا کہنا ہے کہ ترکیہ اسرائیل  کے فلسطین میں قتل عام کے بر خلاف انسانی و سفارتی تمام تر امکانات کو بروئے کار لا رہا ہے۔

محکمہ اطلاعات نے امریکی شہر  نیویارک میں ٹرکش ڈے پریڈ کے دائرہ کار میں ٹرکش ہاؤس میں "ثقافتی تعلقات میں مضبوطی لانا، ترک امریکی تعلقات میں ایک نیا نقطہ نظر" کے عنوان سے ایک پینل کا اہتمام کیا۔

ویڈیو پیغام کے  ذریعےپینل کے شرکاء سے خطاب کرتے ہوئے ڈائریکٹر اطلاعات آلتون نے کہا کہ فلسطین میں اسرائیل کے حملوں کی نوعیت ایسی ہے جو امن پر یقین کو کمزور کرتی ہے اور بین الاقوامی اعتماد کو متزلزل کرتی ہے۔

آلتون نے اس بات پر زور دیا کہ غزہ پر اسرائیل کے 7 ماہ سے جاری حملوں نے خطے اور تمام عالمی اداکاروں کو متاثر کیا ہے۔

انہوں نے بتایا "اس قتل عام کے خلاف، ترکیہ نے پہلے دن سے حملوں کو روکنے کے لیے اپنے انسانی اور سفارتی وسائل کو متحرک کیا ہے۔"

"ترکیہ ایک ایسے حل کے تناظر میں اپنے سفارتی اقدامات کو جاری رکھے ہوئے ہے جو غزہ میں اسرائیل کی وجہ سے ہونے والے انسانی المیے کو ختم کر دے۔ جن مسائل پر ترکیہ، امریکہ کے ساتھ تعاون کی توقع رکھتا ہے وہ صرف انہی تک محدود نہیں ہیں۔ انہوں نے کہا کہ "اتحاد اور اسٹریٹجک پارٹنرشپ کی تفہیم کے احترام کے فریم ورک کے اندر علاقائی اور عالمی مسائل پر امن، سلامتی اور خوشحالی پر مبنی نقطہ نظر کو فروغ دینے کے لیے ترکیہ اور امریکہ کے تعلقات کی صلاحیت پر ہمارا  یقین برقرار ہے۔"