ترکیہ کی جانب سے ایکواڈور کو بکتر بند گاڑیوں کی فروخت

ترکیہ کی دفاعی صنعت کی ایک کمپنی آتوکار کی تیار کردہ 20 کوبرا II ٹیکٹیکل وہیلڈ بکتر بند گاڑیاں ایک تقریب جس میں ایکواڈور کے صدر گیلرمو لاسو نے بھی   شرکت کی اس ملک کے فوجی حکام کے حوالے کردی گئی ہیں۔

دارالحکومت کوئٹو کے فوجی ائیر بیس پر منعقد ہونے والی تقریب میں صدر لاسو کے علاوہ ترکیہ کے کیتو  میں سفیر مقبولہ باشاک یالچین ، نائب صدر الفریڈو بوریرو، وزیر خارجہ گستاو مینریک، وزیر دفاع لوئس لارا، نائب وزیر خارجہ ، چیف آف جنرل سٹاف نیلسن پروانو اور اعلیٰ فوجی حکام نے شرکت کی۔

لاسو نے اپنے X سوشل میڈیا اکاؤنٹ پر کوبرا II گاڑیوں کی تقریب کی تصاویر شیئر کیں اور اپنے بیان میں کہا ہے کہ میں مسلح افواج کو 20 ترک ساختہ کوبرا II گاڑیاں فراہم کرنے پر خوش ہوں۔ اکتوبر کے آخر میں مزید 15 یورال قسم کی ٹیکٹیکل گاڑیاں پہنچ جائیں گی۔

لاسو اور اس کے ساتھیوں نے فوجی گاڑیوں کا باریک بینی سے جائزہ لیا اور ان کے ساتھ تصاویر بھی بنوائیں۔

انہوں نے کہا کہ  ترکیہ کی دفاعی صنعت نے ایکواڈور کو اپنی پہلی بڑی فروخت کی ہے، سفیر یالچن نے کہا کہ ترک دفاعی صنعت پہلی بار اس خریداری کے ساتھ ایکواڈور کی مارکیٹ میں داخل ہوئی ہے جس پر انہیں فخر ہے۔

چیف آف جنرل اسٹاف نیلسن پروانو نے کہا کہ خریدی گئی اعلیٰ معیار کی کوبرا II گاڑیاں کثیر المقاصد، ٹیکٹیکل بکتر بند گاڑیاں ہیں اور یہ ملک کی سلامتی میں اہم کردار ادا کریں گی۔