ترک شہر دینزلی میں 35 ارب ڈالر کی سرکاری سرمایہ کاری
ہم نے شہر کے احتیاج مند شہریوں کو 3 ارب ڈالر کے وسائل فراہم کیے، شعبہ صحت کے 14 اسپتالوں سمیت 38 حفظان صحت کے مراکز قائم کیے
صدر رجب طیب ایردوان نے دینزلی شہر میں ایک اجتماعی افتتاحی تقریب سے خطاب کرتے ہوئے کہا کہ "ہم نے گزشتہ 20 برسوں میں دینزلی میں 35 ارب ڈالر کی خطیر سرکاری سرمایہ کاری کی ہے۔ تعلیمی شعبے میں 4 ہزار 264 نئی جماعتیں تعمیر کی گئیں، نوجوانوں اور کھیلوں کے لیے مجموعی طور پر 8 ہزار 104 طلبا کی گنجائش کے حامل ہاسٹلز اور 53 سپورٹس کمپلیکس تعمیر کیے۔
شہر کے احتیاج مند شہریوں کو 3 ارب ڈالر کے وسائل فراہم کیے، شعبہ صحت کے 14 اسپتالوں سمیت 38 حفظان صحت کے مراکز قائم کیے۔ ایک ہزار بستروں کی گنجائش کے حامل سٹی ہاسپٹل کی تعمیر کا کام جاری ہے۔
صدر نے کہا کہ ہم نے زراعت اور جنگلات میں دینیزلی میں 18 ڈیم، 1 پینے کے پانی کا کارخانہ ، 75 آبپاشی تنصیبات، 6 زمینی استحکام کی سہولیات، 91 سیلاب سے بچاؤ کی تنصیبات، 10 تالاب، 3 زیر زمین ذخیرہ کرنے گودام اور 11 پن بجلی گھر تعمیر کیے ہیں۔