امریکی معیشت کو دیوالیہ ہونے کا خطرہ ،بائیڈن کی کیون میکارتھی سے ملاقات
امریکی صدر جوبائیڈن نے صورتحال کی روک تھام اور قرض کی حد بڑھانے کے لیے ہاؤس اسپیکر سے ملاقات کی جس میں کیون میک کارتھی کا کہنا ہے کہ جوبائیڈن سے ملاقات مثبت رہی مگر کوئی معاہدہ نہیں ہوسکا
1989723
امریکی صدر جو بائیڈن اور ایوانِ نمائندگان کے اسپیکر کیون میکارتھی ایک ایسے اہم وقت میں وائٹ ہاؤس میں ملاقات کی جب واشنگٹن بجٹ پر سمجھوتا کرنے اور دیوالیئے کو روکنے کے لیے قرض لینے کی حد کو بروقت بڑھانے کے لیے کام کر رہا ہے۔
خبر ہے کہ امریکہ کے دیوالیہ ہونے کا خدشہ پیدا ہوگیا، 10 روز باقی رہ گئے۔
امریکی صدر جوبائیڈن نے صورتحال کی روک تھام اور قرض کی حد بڑھانے کے لیے ہاؤس اسپیکر سے ملاقات بھی کی۔
ہاؤس اسپیکر کیون میک کارتھی کا کہنا ہے کہ جوبائیڈن سے ملاقات مثبت رہی مگر کوئی معاہدہ نہیں ہوسکا۔
انہوں نے کہا کہ امریکی معیشت اگر دیوالیہ کر گئی تو اس کے اثرات پوری دنیا پر پڑیں گے۔
