فلسطین، جنین پناہ گزین کیمپ پر اسرائیلی فوج کے حملے میں 6 فلسطینی شہید

مقبوضہ مغربی کنارے کے شمال میں واقع شہر جنین اور جنین پناہ گزین کیمپ پر اسرائیلی فوج کے حملوں میں ایک ڈاکٹر سمیت 6 فلسطینی اپنی جان سے ہاتھ دھو بیٹھے اور 10 شہری زخمی ہوگئے۔

فلسطینی وزارت صحت کی جانب سے جاری کردہ بیان میں کہا گیا ہے کہ جنین شہر میں اسرائیلی گولیوں سے 6 فلسطینی جان کی بازی ہار گئے اور 10 زخمی ہوئے، جن میں سے 3 شدید زخمیوں کو زیر علاج لے لیا گیا ہے۔

جینن سرکاری ہسپتال کے ڈائریکٹر وسام بیکر کا کہنا ہے کہ جنین ہسپتال کے شعبہ  سرجری کے سربراہ بھی ہلاک شدگان میں شامل ہیں۔

سیکیورٹی ذرائع کی جانب سے فراہم کردہ معلومات کے مطابق اسرائیلی فورسز نے رات کے وقت جنین شہر اور کیمپ پر چھاپہ مارا۔

عینی شاہدین  کا کہنا ہے کہ اسرائیلی ڈراونز  آسمان پر پرواز کر رہے تھےاور جہاں اسرائیلی فوجیوں نے رات کے وقت چھاپہ مارا وہاں فوجیوں اور فلسطینی مسلح گروپوں کے درمیان تصادم بھی ہوا۔

اسرائیلی فورسز نے مقبوضہ مغربی کنارے میں چھاپوں کے دوران ایک سابق قیدی سمیت کم از کم 11 افراد کو حراست میں لے لیا۔