لیبیا میں گزشتہ سال دھماکہ خیز مواد سے ہلاک افراد کی تعداد 35 تک پہنچ گئی

لیبیا میں گزشتہ سال کے دوران دھماکہ خیز مواد سے متعلق واقعات میں 26 بچوں سمیت 35 افراد ہلاک یا زخمی  ہونے کی اطلاع ملی ہے۔

لیبیا میں اقوام متحدہ کے سپورٹ مشن (UNSMIL) کے سوشل میڈیا اکاؤنٹ پر دیے گئے بیان میں اپریل 2024 سے قبل لیبیا میں بارودی سرنگوں اور بارودی مواد کی وجہ سے جان کی بازی ہارنے والے اور زخمی ہونے والوں کے بارے میں معلومات  فراہم کی گئی ہیں۔

بیان میں کہا گیا ہے کہ اپریل 2023 اور 2024 کے درمیان دھماکہ خیز مواد سے متعلق واقعات میں 26 بچوں سمیت 35 افراد ہلاک یا زخمی ہوئے۔

UNSMIL کے بیان میں کہا گیا ہے کہ گزشتہ پانچ سالوں میں دھماکہ خیز مواد سے متعلق واقعات میں 400 سے زائد افراد زخمی یا ہلاک ہوئے ہیں۔

بیان میں کہا گیا ہے کہ لیبیا میں جن خطرناک علاقوں کی نشاندہی کی گئی ہے ان میں سے تقریباً 36 فیصد کو صاف کر دیا گیا ہے اور تقریباً 436 ملین مربع میٹر اراضی کو ابھی تک صاف نہیں کیا جا سکا ہے۔