اسرائیل نے آٹے اور خوراک کے منتظر بے گھر فلسطینیوں پر پھر گولیاں چلا دیں

اسرائیلی فوج کی طرف سے گذشتہ ہفتےغزہ میں نابلسی چوراہے میں امداد اور آٹے کے لیے جمع ہزاروں فلسطینیوں پر گولیاں چلانے اور سیکڑوں فلسطینیوں کو ہلاک اور زخمی کرنے کے بعد ایک بار پھر امداد کے لیے جمع لوگوں پر گولیاں چلائی ہیں۔

غزہ میں سرکاری میڈیا کے دفتر کے مطابق، اسرائیلی فوج نے گزشتہ  شام غزہ کی پٹی کے شمال میں واقع غزہ شہر کی صلاح الدین اسٹریٹ پر واقع  کویتی  چوراہے پر انسانی امداد کے انتظار میں کھڑے بے گھر افراد پر فائرنگ کی۔

 واضح رہے کہ حماس کے میڈیا دفتر نے بھوک، غذائی قلت اور پانی کی کمی کے نتیجے میں ہونے والی اموات کی بڑی تعداد کے تناظر میں غزہ میں بگڑتی ہوئی انسانی صورتحال اور  انسانی تباہی کا مکمل طور پر ذمہ دار امریکی انتظامیہ اور عالمی برادری کو ٹھہرایا ہے۔