اسرائیلی فوج نے امداد کے منتظر فلسطینیوں پر فائرنگ کر کے ایک فلسطینی کو قتل اور 26 کو زخمی کر دیا

اسرائیلی فوج نے غزّہ کے جنوب میں انسانی امداد لینے کے لئے جمع فلسطینیوں پر حملہ کر کے ایک فلسطینی کو ہلاک اور 26 کو زخمی کر دیا ہے۔

فلسطین خبر رساں ایجنسی WAFA کے مطابق اسرائیلی فوج نے حالیہ 48 گھنٹوں کے دوران، رشید شاہراہ کے نابلوس چوک میں، امداد لینے کے لئے جمع فلسطینیوں کو دوسری دفعہ نشانہ بنایا ہے۔

اسرائیلی فائرنگ کے نتیجے میں امداد کا منتظر ایک فلسطینی ہلاک اور 26 زخمی ہو گئے ہیں۔

واضح رہے کہ اسرائیلی فوج نے،  29 فروری بروز جمعرات  غزّہ میں، امداد کے منتظر فلسطینیوں پر حملہ کر کے 118 افراد کو قتل اور 760 کو زخمی کر دیا تھا۔

اسرائیل نے خاص طور پر شمال کی طرف سے غزّہ میں امداد کے داخلے کا زمینی راستہ بند کر رکھا ہے۔ اسی وجہ سے پہلے مصر اور اردن نے اور آخر میں امریکہ نے فضائی راستے سے غزّہ میں امداد اُتاری ہے۔