دنیا بھر سے فلسطین کے ساتھ اظہارِ یکجہتی، احتجاجی مظاہرے، بھوک ہڑتالیں
اسپین میں مظاہرین نے "اسرائیل کے وزیر اعظم بنیامین نیتان یاہو کو جیل میں ڈالو اور فلسطین کو آزاد کرو" کے نعرے لگائے
29 نومبر، فلسطینی عوام کے ساتھ عالمی یومِ یکجہتی کے موقع پر دنیا بھر سے اسرائیل اور فلسطین تحریکِ مزاحمت 'حماس' کے درمیان فائر بندی کی اپیلیں کی گئی ہیں۔
برازیل کے دارالحکومت ریو ڈی جنریو میں مظاہرین نے فلسطین کے پرچموں کے ساتھ امریکہ کے قونصل خانے کی طرف مارچ کی۔
سخت حفاظتی تدابیر میں کئے گئے مظاہرے میں پولیس نے مداخلت کی۔
امریکہ کے دارالحکومت واشنگٹن میں فلسطین کی حمایت میں ایک ایکٹیوسٹ گروپ کی بھوک ہڑتال شروع ہوئے آج تیسرا دن ہے۔
امریکہ قومی اسمبلی کے اراکین نے بھوک ہڑتال کرنے والوں کی عیادت کی اور جاری کردہ بیان میں غزّہ میں فوری اور پائیدار فائر بندی کا مطالبہ کیا ہے۔
نیویارک کے احتجاجی مظاہرے میں پولیس نے مداخلت کی اور بعض مظاہرین کو حراست میں لے لیا ہے۔
اسپین میں بھی فلسطینی عوام کے ساتھ اظہارِ یکجہتی کے لئے احتجاجی مظاہرے کئے گئے ہیں۔ مظاہرین نے "اسرائیل کے وزیر اعظم بنیامین نیتان یاہو کو جیل میں ڈالو اور فلسطین کو آزاد کرو" کے نعرے لگائے۔
فرانس کے دارالحکومت پیرس میں بھی سینکڑوں طالبعلم تاریخی سوربون یونیورسٹی کے سامنے جمع ہوئے اور فلسطین کے حق میں مظاہرہ کیا۔ طالبعلموں نے اسرائیل سے مطالبہ کیا ہے کہ غزّہ پر جاری حملے فوری طور پر بند کئے جائیں ۔
جاپان کے دارالحکومت ٹوکیو کے احتجاجی مظاہرے میں بھی غزّہ میں پائیدار فائر بندی کی اپیل کی گئی۔
کولمبیا کے دارالحکومت بوگوٹا میں بھی ہزاروں افراد کی شرکت سے احتجاجی مظاہرہ کیا گیا۔ مظاہرین نے فلسطینی پرچم اٹھا رکھے تھے ۔ انہوں نے "نسل کشی بند کرو" کے نعرے بھی لگائے۔
جمہوریہ چیک کے دارالحکومت پراگ کی گلیاں بھی آزاد فلسطین کے نعروں سے گونج اُٹھیں۔
بوسنیا کے دارالحکومت سرائیوو کے ایک ہائی اسکول میں نہایت پُر معنی مظاہرہ کیا گیا۔
اسکول کے طالبعلموں نے اپنے منہ کو "رُکو" کی تحریر والی ٹیپ کے ساتھ بند کر رکھا تھا۔ مظاہرے میں انہوں نے سوال کیا کہ "کوئی ہے جو میری آواز سُن رہا ہو؟"
قاراباغ اور کروشیا میں بھی فلسطین کے ساتھ اظہارِ یکجہتی کے لئے مظاہرے کئے گئے ہیں۔
