مراکش میں ہولناک زلزلے کے بعد دنیا بھر سے اظہار یکجہتی و تعزیتی پیغامات
ڈبلیو ایچ او کی ٹیمیں ملک بھر میں ضرورت مند علاقوں میں صحت کی خدمات کو تیزی سے پہنچانے کے لیے تیار ہیں
یورپی یونین کے اداروں کے سربراہان نے مراکش میں 7 شدت کے زلزلے کے بعد یکجہتی اور تعزیت کے پیغامات دیے ہیں۔
EU کمیشن کی صدر ارسولا وون در لین نے سوشل میڈیا پلیٹ فارم X پر فرانسیسی زبان میں ایک بیان دیتے ہوئے کہا کہ"میں پورے دل سے مراکش کے عوام کے ساتھ کھڑی ہوں اس خوفناک زلزلے کے دوران جس نے کل رات سینکڑوں جانیں لے لیں۔ میری دعائیں متاثرین، زخمیوں کے خاندانوں کے ساتھ ہیں میں زخمیوں کی جلد صحت یابی کی دعا گو ہوں، اور سب سے پہلے مداخلت کرنے والوں کی کوششوں کو سراہتی ہوں۔"
یورپی کونسل کے صدر چارلس مشیل نے کہا کہ "میرے خیالات اس سانحے سے متاثر ہونے والے تمام افراد اور امدادی ٹیموں کے ساتھ ہیں ۔ یورپی یونین ان مشکل لمحات میں مراکش کا ساتھ دینے کے لیے تیار ہے۔"
یورپی پارلیمنٹ کی صدر، روبرٹا میتسولا نے کہا: "مراکش سے تباہ کن زلزلے میں سینکڑوں افراد کے ہلاک اور کثیر تعداد میں بے گھر ہو نے کی اطلاع ملی۔ اس مشکل اور المناک لمحے میں، میرے جذبات تمام متاثرین، ان کے پیاروں اور پورے مراکشی عوام کے ساتھ ہیں۔ "
روسی صدر ولادیمیر پوتن نے زلزلے کے باعث مراکش کے بادشاہ محمد ششم کو تعزیت کا پیغام بھیجا ہے۔
پوتن نے اپنے پیغام میں کہا ہے"روس مراکش کے دوستانہ لوگوں کے جذبات اور دکھ میں شریک ہے۔ براہ کرم اپنی جانوں سے ہاتھ دھونے والوں کے خاندانوں اور رشتہ داروں کے لیے میری تعزیت اور اظہار یکجہتی اور اس قدرتی آفت سے متاثر ہونے والے تمام افراد کی جلد صحت یابی کے لیے میری خواہشات کا اظہار کریں۔"
فرانسیسی صدر ایمانوئل میکرون، ڈچ وزیر اعظم مارک روٹے اور فرانسیسی وزیر خارجہ کیتھرین کولونا نے اپنے سوشل میڈیا اکاؤنٹس پر مراکش میں آنے والے 7 شدت کے زلزلے کے باعث تعزیت اور یکجہتی کے پیغامات دیے ۔
بیلجیئم، جرمنی، آسٹریا، سلوواکیہ، اٹلی، سوئٹزرلینڈ، قطر، اردن، لیبیا، بحرین، فلسطین اور لبنان کے علاوہ عرب لیگ، مسلم اسکالرز کی عالمی یونین اور اظہر انسٹی ٹیوشن نے بھی مراکش میں زلزلے پر تعزیتی اور یکجہتی کے پیغامات جاری کیے ہیں۔
ورلڈ ہیلتھ آرگنائزیشن نے اطلاع دی ہے کہ زلزلے سے ماراکیچ اور اس کے آس پاس سیکڑوں افراد ہلاک اور 300,000 سے زیادہ افراد متاثر ہوئے۔
ڈبلیو ایچ او کے مشرقی بحیرہ روم کے علاقائی ڈائریکٹوریٹ کے X سوشل میڈیا پلیٹ فارم پر شیئر کی گئی پوسٹ میں مراکش میں زلزلے کے باعث تعزیت کا اظہار کیا گیا اور مدد کا پیغام دیا گیا ہے۔
پوسٹ یہ نوٹ کیا گیا کہ ڈبلیو ایچ او کی ٹیمیں ملک بھر میں ضرورت مند علاقوں میں صحت کی خدمات کو تیزی سے پہنچانے کے لیے تیار ہیں۔
ڈبلیو ایچ او کے ڈائریکٹر جنرل تیدروس ادہانوم گیبریئس نے اپنے سوشل میڈیا اکاؤنٹ پر اپنی پوسٹ میں زلزلے سے جانیں گنوانے والوں کے لیے تعزیت کا اظہار کرتے ہوئے کہا:
"ہم صحت کی فوری ضروریات کو پورا کرنے کے لیے تیار ہیں۔"
سعودی عرب، متحدہ عرب امارات اور مصر نے زلزلے کے باعث مراکش کے لیے تعزیت اور یکجہتی کا پیغام جاری کیا۔ متحدہ عرب امارات نے اطلاع دی ہے کہ مراکش کے لیے انسانی امداد کی ترسیل کے لیے ایک ہوائی پل تشکیل دیا جائیگا۔
ایران کی وزارت خارجہ نے مراکش کے عوام اور حکومت کے ساتھ زلزلے میں جاں بحق ہونے والوں کے لیے تعزیت کا اظہار کیا ہے۔
وزارت خارجہ کے ترجمان ناصر کیانی نے اپنے تحریری بیان میں اپنے ملک کی جانب سے زلزلے کے باعث دکھ کا اظہار کیا۔
دوسری جانب اسرائیلی وزیر دفاع Yoav Gallant نے فوج کو مراکش میں انسانی امداد اور سرچ اینڈ ریسکیو ٹیمیں بھیجنے کی تیاریاں شروع کرنے کی ہدایت کی۔
وزیر خارجہ ایلی کوہن نے رباط میں اسرائیلی سفارت خانے کو مراکش میں اسرائیلی شہریوں تک پہنچنے کی ہدایت بھی کی۔
اسرائیلی میڈیا کے مطابق کوہن نے انسانی ہمدردی کی بنیاد پر امداد اور سرچ اینڈ ریسکیو ٹیموں کو مراکش بھیجنے کے حوالے سے رابطہ کاری کے لیے بھی کہا۔
