جی۔7 ممالک نے چین سے روس پر جنگ ختم کرنے کے لیے دباو ڈالنے کی اپیل کی ہے

جی 7 کے رہنماؤں نے چین سے کہا کہ وہ روس پر دباؤ ڈالے کہ وہ یوکرین میں اپنی جارحیت کو روکے اور اس ملک سے غیر مشروط طور پر اپنی فوجیں نکالے۔

جاپان کے شہر ہیروشیما میں جی 7 لیڈرز کے سربراہی اجلاس کے دوسرے روز رہنماؤں نے ایک مشترکہ بیان میں یوکرین کے بحران سمیت مختلف امور پر تبادلہ خیال کیا۔

G7 رہنماؤں نے چین سے کہا کہ وہ یوکرین میں جارحیت روکنے کے لیے روس پر دباؤ ڈالے۔

اپیل میں  کہا گیا ہے کہ "ہم چین سے مطالبہ کرتے ہیں کہ وہ روس پر فوجی جارحیت بند کرنے کے لیے دباؤ ڈالے اور فوری طور پر، مکمل اور غیر مشروط طور پر یوکرین سے اپنی فوجیں نکالے"۔

"ہم چین کی حوصلہ افزائی کرتے ہیں کہ وہ اپنی علاقائی سالمیت اور اقوام متحدہ کی قرار دادوں اور  اصولوں اور مقاصد کی بنیاد پر ایک جامع، منصفانہ اور دیرپا امن کی حمایت کرے،"

موسمیاتی تبدیلی، ممالک کی مالیاتی ضروریات، عالمی صحت کے خدشات اور اقتصادی استحکام جیسے مسائل کی طرف توجہ مبذول کراتے ہوئے، رہنماؤں نے کہا کہ وہ چین کے ساتھ تعاون کو اس کے عالمی کردار اور اقتصادی حجم کو دیکھتے ہوئے ایک  تقاضے کی نگاہ سے  دیکھتے ہیں۔

G7 رہنماؤں نے چین کے ہانگ کانگ کے خصوصی انتظامی علاقے، سنکیانگ ایغور خود مختار علاقے اور تبت کے خود مختار علاقے میں انسانی حقوق کی خلاف ورزیوں کے بارے میں بھی اپنے خدشات کا اظہار کیا۔