أردوُغان: بیز گۆرجیستان بیلن سؤودا- تیجارت دوُلانشیغیمیزی 5 میلیارد دلارا یتیرمه‌کچی
تۆرکیأنینگ جمهورباشلیغی گۆرجیستان بیلن ایقدیصادی قاتناشیقلارینگ أهمیتینه اۆنس چکدی
تۆرکیأنینگ جمهورباشلیغی رجب طیب أردوُغان باکو- تفلیس- قارص دمیریوُلونینگ یانگاداندان دوُلی یاغدایدا اولانیلماغی اۆچین ایش آلیپ باریاندیقلارینی آیتدی.
تۆرک یوُلباشچی، رسمی ساپار بیلن آنکارا گلن گۆرجیستان ینگ باش وزیری ایراکلی کوباخیدزه بیلن دوشوشیغیندان سوُنگرا مطبوغات کنفرانسیندا بیانات بردی.
سؤزلرینه "دوُست دوُغانلیق گۆرجیستان حالقی نینگ 10 گۆن سوُنگرا بوُلجاق قاراشسیزلیق گۆنۆنی قوتلایارین" دییپ باشلان رجب طیب أردوُغان میهمان باش وزیر بیلن "ایکی دوُست دوُغانلیق قوُنگشی و استراتژیک اوُرتاق حؤکمۆنده أهمیتلی گپله‌شیک گچیرندیکلرینی" آیتدی.
اؤتن ییل 3 میلیارد دلارا یتن اؤزآرا سؤودا دوُلانشیغینگ تأزه دؤوۆرده 5 میلیارد دلارا یتیرلمه‌گینی ایسله یأندیکلرینی نیغتان تۆرکیأنینگ جمهورباشلیغی "تاریحی یۆپک یوُلونی دمیریوُل آرقالی جانلاندیران باکو- تفلیس- قارص دمیریوُلونینگ یانگاداندان دوُلی اولانیلماغی اۆچین ایش آلیپ باریاریس" دیدی.
گۆرجی باش وزیر بیلن فتؤ و پ. ک. ک باشدا بوُلماق بیلن ترور قورامالاری و ارگانیزه بوُزغونچیلیق توُپارلاری بیلن گؤره‌ش مسئله سینده گنگه شندیکلرینی آیدان تۆرک یوُلباشچی "دؤولتیمیزینگ دِمی، ترور و بوُزغونچیلیق توُپارلاری نینگ ینگسه سینده بوُلماغا دوُوام ادر" دیدی.
اوروپانینگ فوتبال یاریشیندا تۆرک میللی توُپاری نینگ گۆرجیستان بیلن بیر توُپارچادا اوُیناجاقدیغینی یاتلادان أردوُغان "توُپارلاریمیزا اۆستۆنلیک آرزوو ادیأرین" دیدی.
میهمان یوُلباشچی دا أردوُغان بیلن گچیرن دوشوشیغینا بگنچ بیلدیریپ "اوُنونگ اؤزی تۆرکلرینگ بأحبیتلرینی قوُرایان چئن یوُلباشچی. حوُرماتلی جمهورباشلیغینگ گۆرجیستان ینگ میللی بأحبیتلرینه بریأن قوُلداوی اۆچین اؤرأن مینتدارلیق بیلدیریأریس. بیز قفقازدا اۆلکه لرینگ بیله لیکده یاشاماغینی قوُلدایاریس و دۆیپلی حیذماتداشلیغا طایاردیرس" دیدی.
ایکی یوردونگ آراسیندا "انرژی پوداغیندا حیذماتداشلیق ایلالاشیغی" شرطناماسینا دا قوُل چکیلدی.
دِگیشلی حابارلار
أردوُغان اوُربان بیلن تلفن آرقالی گۆررۆنگ اتدی
تۆرک یوُلباشچی مجاریستان ینگ باش وزیری نینگ دوُغلان گۆنۆنی قوتلادی
