اؤتن ییل پ. ک. ک نینگ 923 ترورچیسی تأثیرسیز یاغدایا گتیریلدی

تۆرکیأنینگ ایچری ایشلر وزیری علی یرلی قایا آیرالیقچی ترور قوراماسی پ. ک. ک نینگ 923 ترورچیسی نینگ تأثیرسیز یاغدایا گتیرلندیگینی آیتدی.

یرلی قایا 2023-نجی ییلدا بۆتین ترور قورامالارینا قارشی حرکت قورولاندیغینی و بو حرکتلره دوُوام ادیلیأندیگینی نیغتادی.

یوردونگ جبیسلیک و آغزی بیرلیگینی نیشان آلان حیاناتچیلارا آصلا گؤز آچدیرماجاقدیقلارینا اۆنس چکن یرلی قایا،

"یوردومیزینگ دورنوقلیلیغینی یوق اتمأگه سینانشانلار، ترورچیلار و اوُلارا کؤمِک برنلر، میللی یا دا حالقارا یاغدایدا بوُلماغی تاپاووت اتمأن پألی یامانلار و جبیسلیک و آغزی بیرلیگیمیزه قاصت ادنلره آصلا گؤز آچدیرماریس" دیدی.

"سوُنگقی ترورچی تأثیرسیز یاغدایا گتیریلیأنچأ ترورچیلیق بیلن گؤره شیمیز توتان یرلی یاغدایدا دوُوام ادر" دیه ن تۆرک وزیر 2023-نجی ییلدا 3 مۆنگ 911 شهر و 19 مۆنگ 682 اوُبادا حرکت قوراندیقلارینی و بو حرکتلرده 923 ترورچی نینگ تأثیرسیز یاغدایا گتیرلندیگینی آیتدی.

علی یرلی قایا "فت الله چی ترور قوراماسینا 6 مۆنگ 775 حرکت قورولدی و 9 مۆنگ 639 آدام گؤز توسساغلیغینا آلیندی و شوُلاردان 1689 سانیسی توسساغ ادیلدی" دیدی.

داعش ترور قوراماسینا قارشی دا 1500 حرکت قورولاندیغینی بیلدیرن یرلی قایا 2800 سانیسی نینگ گؤز توسساغلیغینا آلینیپ شوُلاردان 738 سانیسی نینگ توسساغ ادیلندیگینی آیتدی.