تۆرکیه ده یر تیتره مه سی نینگ ییتگیسی 48 مۆنگ 448 آداما یتدی

تۆرکیه ده شو ییلینگ 6-نجی فورال گۆنۆنده بوُلان و 11 ولایاتا ضلل برن 7.7 و 7.6 بال اولولیغینداقی یر یتره مه لرینده آرادان چیقانلارینگ سانی 48 مۆنگ 448 آداما یتدی.

تۆرکیأنینگ ایچری ایشلر وزیری سلیمان سوُیلو و مدنیت و سیاحاتچیلیق وزیری محمت نوری أرسوُی مالاتیانینگ عاداتدان داشغاری یاغدایلار مرکزینده ماغلومات بردیلر.

سوُیلو یر تیتره مه سی نینگ حارابالیغی نینگ ییغنالماغی باراسیندا ایشلرینگ دوُوام ادیأندیگینی نیغتادی و "دؤولتیمیز اولی بیر غایرات بیلن ایشینه دوُوام ادیأر" دیدی.

تۆرک وزیر قاهرامان ماراش دا بوُلان بو یر تیتره مه سی سبأپلی تۆرکیه دأکی ییتگی نینگ 48 مۆنگ 448 آداما یتندیگینی بیلدیردی.

سلیمان سوُیلو آرادان چیقانلارینگ 6 مۆنگ 660 سانیسی نینگ داشاری یورتلی بوُلاندیغینی دا حابار بردی.