فخرالدین آلتون تأزه تکنولوژیلارینگ دؤره‌دِن دۆنیأقاراییشی حاقدا بیانات بردی
آراقاتناشیق اداراسی نینگ باشلیغی تۆرکیأنینگ دۆنیأدأکی أهمیتینه اۆنس چکدی
تۆرکیأنینگ جمهورباشلیقلیغی نینگ آراقاتناشیق اداراسی نینگ باشلیغی فخرالدین آلتون تۆرکیأنینگ "حاص عادالاتلی بیر دۆنیأ مۆمکین" شیغاری بیلن عامالا آشیریان حاقیقات اوغرونداقی گؤره‌شینی آراقاتناشیق اؤلچه‌گینده دوُوام اتدیرمأگه سینانشیاندیقلارینی آیتدی.
فخرالدین آلتون ایستامبول دا گچیریلیأن حالقارا استراتژیک آراقاتناشیق کنفرانسیندا (Stratcom Summit) چیقیش اتدی.
آلتون تۆرکیأنینگ حالقارا میدانلارداقی اوُرنونا اۆنس چکیپ،
"تۆرکیه گلوبال دارتغینلیقلار دؤورۆنده جمهورباشلیغیمیز رجب طیب أردوُغان ینگ یوُلباشچیلیغیندا دورنوقلاشدیریجی گۆیجه اؤورۆلدی. بؤلگه آرا گۆیچ و گلوبال اوُیونچی حؤکمۆنده تۆرکیه دینگه بیر دورنوقلی یورت بوُلماق بیلن چأکلِنمه‌یأر، داش تؤوه‌رِگینی دورنوقلاشدیریان گۆیجۆنی ایشجنگ داشاری سیاساتی بیلن گؤرکِزیأر. مونگا اینگ سوُنگقی میثال جمهورباشلیغیمیزینگ 24-نجی فورال دا باشلان روسیا- اوکراینا ساواشیندا دورموشا گچیرن پاراحاتچیلیق دیپلماسیسی‌دیر" دیدی.
فخرالدین آلتون "حاص عادالاتلی بیر دۆنیأ مۆمکین" شیغاری بیلن عامالا آشیریان حاقیقات اوغرونداقی گؤره‌شینی آراقاتناشیق اؤلچِه‌گینده دوُوام اتدیرمأگه سینانشیاندیغینی بیلدیردی.
بیله کی تاراپدان، فخرالدین آلتون گۆن باتار مدیاسینا اساسلانیان دۆنیأقاراییش اساسیندا قورلان گلوبال سیاسی و ایقدیصادی ترتیپ- دۆزگۆنینگ حأضیرکی واغتدا دۆیپلی مسئله لر، دارتغینلیقلار، قینچیلیقلار و بِللی‌سیزلیکلر بیلن یۆز یۆزه بوُلاندیغینی نیغتادی.
"تأزه مدیا تکنولوژیلاری آرقالی آبانیان تهدیتلره قارشی بیله‌لیکده گؤره‌شمه‌لیدیرس" دیه‌ن آراقاتناشیق اداراسی نینگ باشلیغی،
"بیز اؤزۆمیزی حاقیقاتدان سوُنگقی دؤوۆرده (Post Truth) سایبر یالانلاردان، تأثیرلی آژانلاردان، سایبر استعماردان و اشغالدان قوُراماغا مجبوردیرس" دیدی.
دِگیشلی حابارلار
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی
الیسا فریرا: تۆرکیه بیلن اوروپا بیله له شیگی نینگ قاتناشیقلاری یوُقارلامالی‌دیر
الیسا فریرا غازی آنتپ ولایاتی نینگ حأکیمی کمال چبر و شهر حأکیمی فاطما شاهین بیلن دوشوشدی
